News

01
Apr

Նալպանտեան եւ Ուորլիք Ուաշինկթընի Մէջ Խօսած են ԼՂ Հիմնահարցի Խաղաղ Կարգաւորման Հարցին Շուրջ

nalbandian-warlik

ՀՀ նախագահի գլխաւորած պատուիրակութեան կազմով ԱՄՆ գտնուող արտաքին գործոց նախարար Էդուարդ Նալպանտեանը Մարտ 31-ին Ուաշինկթընի մէջ հանդիպած է ԵԱՀԿ Մինսկի խումբի ամերիկացի համանախագահ Ճէյմս Ուորլիքին: Այս մասինի կը յայտնեն ՀՀ արտաքին գործոց նախարարութեան մամուլի, տեղեկատւութեան եւ հասարակայնութեան հետ կապի վարչութենէն։

ՀՀ արտաքին գործոց նախարարը ամերիկացի համանախագահի ուշադրութիւնը հրաւիրած է Ատրպէյճանի կողմէն հրադադարի շարունակական խախտումներուն վրայ: «Պաքուն, անտեսելով համանախագահներու եւ ԵԱՀԿ գործող նախագահութեան յատուկ ներկայացուցիչի համատեղ կոչը` հանդարտութիւն պահպանել կրօնական տօներու օրերուն, աշխոյժացուցած է հրադադարի կոպտագոյն խախտումները Սուրբ Զատիկի նախաշեմին եւ օրերուն»,- նշած է ԱԳՆ ղեկավարը:

Էդուարդ Նալպանտեան ընդգծած է. «Ատրպէյճանի նման սադրանքները օրինաչափութիւն դարձած են: Նոյնը կը կատարուի նաեւ բանակցային գործընթացին մէջ: Եթէ նախապէս Պաքուն զանազան միջոցներով կը խոչընդոտէր բանակցութիւնները, կը փորձէր հարցը տեղափոխել այլ հարթակներ, այժմ, սակայն, հաւանաբար, տեսնելով իր քայլերուն անարդիւնաւէտութիւնը, ոչինչ կրցած է յօրինել, քան Մինսկի խումբի համանախագահներու հետ հանդիպումներէն հրաժարիլը»: Նախարար Նալպանտեան շեշտած է, որ, անշուշտ, ասիկա բանակցային գործընթացի եւ համանախագահներու վրայ ճնշում գործադրելու հերթական ապարդիւն փորձ է:

Զրուցակիցները մտքեր փոխանակած են Լեռնային Ղարաբաղի հիմնահարցի բացառապէս խաղաղ հանգուցալուծման հնարաւորութիւններուն շուրջ:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...