News

16
May

Նիկոլ Փաշինեանի Վարչապետութեան Առաջին Շաբաթը. «Թաւշեայ Յեղափոխութեան» Առաջնորդը Ինչ Կրցաւ Ընել Այս Ընթացքին. Deutsche Welle -ի Անդրադարձը

pashinian

Մէկ շաբաթ առաջ Հայաստանի մէջ նոր վարչապետ ընտրուեցաւ  Նիկոլ Փաշինեանը: Գերմանական Deutsche Welle-ի ռուսական ծառայութիւնը փորձած է պարզել, թէ «թաւշեայ յեղափոխութեան» առաջնորդը ինչ յաջողեցաւ ընել այս ընթացքին եւ փորձագէտները ինչպէս կը գնահատեն անոր գործողութիւնները:

Լրատուամիջոցը կը գրէ, որ մէկ շաբաթուան ընթացքին որպէս վարչապետ Նիկոլ Փաշինեան հասցուց փոխել բոլոր նախարարները, հեռացնել աւելի աղմկայարոյց յայտնի պաշտօնեաներն եւ զինուորականները, որոնց մէջ` Հայաստանի ոստիկանապետը, եւ բաց դարձուց կառավարութեան նիստերը: Ան նաեւ հրահանգած է բարելաւել մաքսային կարգաւորման կանոնները եւ մասնակցիլ Սոչիի մէջ ԵԱՏՄ գագաթնաժողովին, ուր հանդիպած է ՌԴ նախագահ Վլատիմիր Փութինի հետ:

Առաջինը, որ, խօսելով Նիկոլ Փաշինեանի վարչապետութեան մասին, միաձայն կը նշեն փորձագէտները, երկրին մէջ մթնոլորտի փոփոխութիւնն է:

Այստեղ երբեք չեն տեսած, թէ ինչպէս նախարարները կրնան օգտուել հանրային փոխադրամիջոցներէն, իսկ վարչապետը աշխատանքի երթայ ոտքով: Ամբողջութեամբ փոխելով Հայաստանի կառավարութեան կազմը` ան պաշտօններու վրայ նշանակած է  երիտասարդներ, անոնց, որոնք աջակցած են իրեն հին իշխանութիւններու դէմ պայքարի ընթացքին. անոնք ալ այժմ պէտք է գլխաւորեն երկրին մէջ փտածութեան դէմ պայքարը:

Լրատուամիջոցը կը գրէ, որ ամէն օր կէսգիշերին վարչապետը Facebook-ի իր էջի միջոցով մարդոց կը պատմէ, թէ ինչ ըրած է նախորդ օրուան ընթացքին: Նման բացութիւն եւ անմիջականութիւն անորմէ ոչ ոք կը սպասէր: Յայտնելով կառավարութեան մէջ նոր նշանակումներու մասին` ան պարզաբանած է, թէ ինչու այդ մարդը պիտի գլխաւորէ այս կամ այն նախարարութիւնը կամ գերատեսչութիւնը: Դիտորդներու կարծիքով` «թաւշեայ յեղափոխութեան» առաջնորդը այդպէս հաշուետուութիւն կը ներկայացնէ ժողովուրդին առաջ, որու ջանքերուն եւ կամքին շնորհիւ ան դարձած է երկրի գլխաւոր քաղաքական անձը:

Ինչպէս DW-ին յայտնած է Քաղաքական եւ միջազգային հետազօտութիւններու հայկական կեդրոնի փորձագէտ Ռուբէն Մեհրաբեան, գնահատելով նոր վարչապետին առաջին քայլերը, Նիկոլ Փաշինեան աւարտած է նոր կառավարութեան ձեւաւորումը, որու խնդիրն է խոր քաղաքական եւ տնտեսական ճգնաժամի յաղթահարումը` համակարգային բարեփոխումներու միջոցով: Շաբաթը, ի հարկէ, այն ժամկէտը չէ, որու արդիւնքներով կարելի է նոյնիսկ նախնական եզրակացութիւն ընել:

«Բայց եւ այնպէս, երիտասարդ, յաւակնոտ անձնակազմը, առաջին յայտարարութիւնները, քաղաքացիներու հետ յետադարձ կապի մշտական պահպանման ձգտումը, առաւօտէն մինչեւ ուշ գիշեր աշխատանքը` այդ ամէնը կը խօսին հաստատակամութեան եւ արդիւնքի հասնելու վճռականութեան մասին, որ, կը կարծեմ, կ’արդարացնէ հասարակութեան սպասելիքները»,- ըսած է փորձագէտը:

Քաղաքագէտ Միքայէլ Զոլեանը նշած է, որ Նիկոլ Փաշինեան այժմ բարդ շրջանի մէջ է` նախեւառաջ այն պատճառով, որ կարելի չէ ըսել, որ անոր կը պատկանի ամբողջ իշխանութիւնը. առանցքային քանի մը պաշտօններ դեռ հանրապետականներու ձեռքն են` չհաշուած խորհրդարանին մէջ անոնց մեծամասնութիւնը: Զոլեանի խօսքով` դեռ դժուար է խօսիլ առանձին ոլորտներու մէջ յստակ փոփոխութիւններու մասին, բայց կայ մէկ բան, որ նոր իշխանութեան մօտեցումները կտրուկ կը տարբերին նախորդէն` հասարակութեան հետ հաղորդակցելու հարցով մօտեցումները, քննադատութեան արձագանգելը, ինչպէս նաեւ կառավարութեան նիստը ուղիղ եթերով հեռարձակելը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...