News

04
Mar

Շառլ Ազնաւուր, «Պարսելոնա»-ի Եւ «Ռէալ»-ի Ֆութպոլիստները Կը Սատարեն Գիւմրեցի 13 Անօթեւան Ընտանիքներուն

charles-aznavour

Ֆրանսահայ աշխարհահռչակ շանսոնիէ Շառլ Ազնաւուր արձագանգած է գիւմրեցի անօթեւան ընտանիքներուն օգնելու եւ անոնց համար բնակարաններ գնելու` SOS հաղորդաշարի բեմադրիչ Հայկ Բարսեղեանի դրամահաւաքի նախաձեռնութեան:

Շառլ Ազնաւուրի ֆէյսպուքեան պաշտօնական էջին մէջ հրապարկուած է 13 անօթեւան ընտանիքներուն մասին պատմող Հայկ Բարսեղեանի տեսանիւթը` Գիւմրիի աղէտալի երկրաշարժի մասին պատմող նկարագրութեամբ:

«Սարսափելի երկրաշարժը 25.000 մարդու կեանք խլած է, հազարաւոր ընտանիքներ մնացած են անօթեւան եւ կ՛ապրին առանց յոյսի: Ասիկա ծրագիր մըն է, որը նպատակ ունի օգնելու վտանգաւոր պայմաններու մէջ ապրող գիւմրեցի անօթեւաններուն»,-կը նշուի հրապարակման նկարագրութեան մէջ:

NEWS.am-ի հետ զրոյցի ընթացքին Գիւմրիի լրագրողներու «Ասպարէզ» ակումբի նախագահ Լեւոն Բարսեղեան նշած է, որ Շառլ Ազնաւուր դրամական աջակցութիւն չէ ցուցաբերած գիւմրեցի անօթեւաններուն, աջակցութիւնը եղած է դրամահաւաքի մասին պատմող հրապարակման վերահրապարակումը:

Անոր խօսքով` դրամահաւաքի նախաձեռնողները կապ հաստատած են նաեւ Մատրիտի «Ռէալ»-ի հետ: Նախնական համաձայնութեամբ` խումբի առաջատարները  պիտի ուղարկեն իրենց մարզաշապիկները ստորագրութիւններով եւ գրութեամբ` ի աջակցութիւն Գիւմրիի անօթեւաններու: Մարզաշապիկը վաճառքի պիտի հանուի Մարտ 19-ին կայանալիք բարեգործական աճուրդին:

Նշենք, որ աճուրդի համար ունինք «Պարսելոնա»-ի դրօշը` Լիոնել Մեսսիի, Չաւիի, Ինյեսթայի, Թիերի Անրիի ու խումբի 10 աստղերու ստորագրութեամբ:

Աշխարհահռչակ ռոք երաժիշտ Սերժ Թանկեան եւս միացած է Գիւմրիի անօթեւան 13 ընտանիքի համար բնակարան գնելու նպատակով մեկնարկած դրամահաւաքին:

Գիւմրեցի հռչակաւոր ջազ դաշնակահար Տիգրան Համասեան անօթեւաններուն աջակցելու նպատակով Գիւմրիի տնակային աւաններէն մէկուն մէջ Փետրուար 28-ին բարեգործական համերգ ունեցաւ::

Նշենք, որ նախագծի նախաձեռնողը լուսանկարիչ Հայկ Բարսեղեանն է, որ Գիւմրիի անօթեւան 13 ընտանիքի համար բնակարան գնելու համար դրամահաւաք կազմակերպած է բրիտանական Crowdfunder կայքին մէջ:

Գիւմրեցի 13 անօթեւան ընտանիքի համար կազմակերպուած դրամահաւաքը պիտի աւարտի մարտ 20-ին, եւ եթէ մինչ այդ չհաւաքուի սահմանուած գումարը, ապա մինչ այս կայքին նուիրաբերուած գումարները օգտատէրերուն ետ պիտի վերադարձուին. կայքի պայմանները այդպէս են: «Նուիրատուութիւններու 80 տոկոսը դուրսէն է: Արդէն մէկ ընտանիքի բնակարանի գումար հաւաքուած է: Գիւմրիի մէջ մէկ սենեականոց բնակարանը կ՛արժէ մօտ 10 հազար տոլար»,-նշած է Հայկ Բարսեղեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...