News

30
Jul

Ո՞ւր է Հայը…

եռագոյն

Ընդամէնը չորս ամիս առաջ էր, երբ ազգովի կը հպարտանայինք (եւ կը շարունակենք հպարտանալ) սահմանին կանգնած մեր զինուորներով, Սփիւռքէն եւ Հայաստանի տարբեր շրջաններէն Արցախ հասնող մեր կամաւորներով, որոնք հայու իրենց տեսակով միայն պարծենալու առիթ շնորհեցին ողջ ազգին։ Հայու միասնականութիւնը հիացուց ողջ աշխարհը։

Հիմա իրավիճակը բոլորովին այլ է. Վերջին երկու շաբաթներուն ընթացքին հայու տեսակը խաթարուած է…

Ո՞ւր է հայը… Հայ չի կրնար համարուիլ այն ոստիկանը, որ ձեռք կը բարձրացնէ հայ կնոջ, երեխաներու վրայ։ Ան որ երեխաներու աչքին առջեւ ծեծի կ’ենթարկէ քաղաքացիներ։ Հայ չի կրնար համարուիլ նաեւ իր ժողովուրդը նռնակով ահաբեկող ոստիկանը, լրագրողներուն վնաս պատճառողը, Հայաստանի մէջ քաղաքացիական պատերազմը “լաւ է” համարող Հայաստանէն արտագաղթած եւ Շուէտի մէջ հանգիստ ապրող “հայ”-ը… եւ այսպէս կարելի է անվերջ թուարկել հայուն ոչ յարիր կեցուածքներ…

Ո՞ւր է հայը…

Միւս կողմէն նաեւ հայուն, առաւել եւս ազատամարտիկին յարիր պատանդ պահել կին մը, առաւել եւս բժշկուհի մը, ինչ ալ ըլլան յանգամանքները… Ֆիտային նոյնիսկ քիւրտ կանանց անմասն կը պահէր իր մղած պայքարէն…

Մի՛վախենար, հանգիստ կեցի՛ր, պաճի ջան,
Կանանց երբեք ձեռք տալու չէ վրիժառու քաջ ֆետան: 

Ո՞ւր է հայը այսօ՛ր… Ե՞րբ արդարութի՛ւն պիտի տիրէ մեր երկրին մէջ։ Երբ պիտի հասկնանք, որ մեր միասնական ուժը սարեր կը գլորէ եւ միայն մաիասնականութեամբ կ’ ունենանք այն երկիրը որուն մասին կ’երազենք…

Այսօր պառակտուելով, իրարու դէմ զէնք բարձրացնելով մեր երկիրը կը գլորենք ամենախոր անդունդի մէջ…

Ո՞ւր է հայը… ո՞ւր է այն խոհեմ առաջնորդը, որ իր հեղինակութեամբ համերաշխութիւն եւ խաղաղութիւն կրնայ սփռել մեր երկրի վրայ…

Ո՞ՒՐ Է ՀԱՅԸ …

ԵՌԱԳՈՅՆ

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...