News

27
Mar

Ողջ Աշխարհը Պիտի Չկարենայ Փոխել Կոլանի Սուրիական Հող Ըլլալու Պատմական Իրողութիւնը. Սուրիոյ ԱԳՆ

Սուրիա կտրականապէս մերժեց սուրիական բռնագրաւեալ Կոլանը սիոնիստական  կառոյցին կցելու ԱՄՆ-ի նախագահ Տանըլտ Թրամփի որոշումը, դիտել տալով, որ այս որոշումը Միջազգային օրէնքները արհամարհելու ամենամեծ ապացոյցն ու միջազգային ընտանիքին ուղղուած ապտակն է:

«Գանձասար»-ի տեղեկութիւններով՝ Սուրիոյ Արտաքին Գործոց Նախարարութիւնը հաղորդեց. «ԱՄՆի նախագահը, իր այս որոշումով, սուիրական բռնագրաւուած Կոլանը պարտադրաբար կը փորձէ կցել սիոնիստական կառոյցին՝ բացայայտօրէն սպառնալով Սուրիոյ ինքնիշխանութեան եւ տարածքային ամբողջականութեան ու անտեսելով սուրիական Կոլանին առնչուող միջազգային բոլոր օրէնքներն ու որոշումները: Դատապարտելի այս որոշումը կը փաստէ ԱՄՆ-ի եւ «Իսրայէլի» անքակտելի կապն ու արաբական աշխարհին ու արաբ ժողովուրդին հանդէպ անոնց թշնամական մօտեցումը: Երեւոյթ մը, որ ԱՄՆ-ի տարբեր վարչակարգերը յաճախ կը մղէ անսահմանօրէն աջակցելու իսրայէլեան բազմատեսակ բռնարարքներուն:

«ԱՄՆ-ի նախագահին որոշումը միջազգային օրէնքներուն նկատմամբ անոր բացայայտ արհամարհանքը կ՛արտացոլացնէ, միաժամանակ միջազգային ընտանիքին ուղղուած վարկաբեկիչ ապտակ մըն է»:

Նախարարութիւնը իր յայտարարութեան մէջ դիտել տուաւ. «ԱՄՆ-ի նախագահին որոշումը ՄԱԿ-ի դերն ու վաւերականութիւնը հարցականի տակ կը դնէ, որովհետեւ կ՛անտեսէ ՄԱԿ-ի այս ուղղութեամբ գոյացուցած բոլոր որոշումները, յատկապէս՝ 1981-ի 497 թուակիր որոշումը, որ կը ճշդէ սուիրական Կոլանի օրինական վիճակը, որպէս բռնագրաւեալ հող եւ կը մերժէ իսրայէլեան ծաւալապաշտ էութեան անոր կցումը, զայն ապօրինի եւ անվաւեր համարելով»:

Նախարարութիւնը եզրափակելով ըսաւ. «Սուրիա կտրականապէս կը մերժէ ԱՄՆ-ի նախագահին այս որոշումը եւ կը վերահաստատէ, որ ողջ աշխարհը անկարող է փոխելու Կոլանի սուրիական եւ արաբական հող ըլլալու պատմական իրողութիւնը: Կոլանը պիտի ազատագրուի եւ պիտի վերամիանայ իր մայր հայրենիքին՝ Սուրիոյ, իսկ սուրիացիները այսօր, ահաբեկչութեան դէմ յաղթական պատերազմ մղելէ տարիներ ետք, աւելի քան վճռական են հասնելու Կոլանի ազատագրման յաղթանակին: Ողջ Սուրիոյ տարածքին ապրող սուրիացիները կը հաստատեն, որ ամէն միջոցներով պիտի պայքարին ԱՄՆ-ի նախագահին այս Սեւ Որոշումին դէմ եւ միասնական ոգիով պիտի զօրակցին սուրիական Կոլանի  պայքարունակ մեր ժողովուրդին, բաժնեկցելով բռնագրաւումի դառնութիւնն ու պայքարի վճռակամութիւնը՝ յանուն Կոլանի ազատագրումին: Այդ ազատագրումին աւետումը պիտի չուշանայ»:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...