News

21
Apr

Ոչ Մէկ Զիջում. Հայաստանի Պատասխանը Լաւրովին

lavrov

ՀՀ արտաքին գործոց փոխ նախարար Շաւարշ Քոչարեան՝ անդրադառնալով ԼՂ հիմնախնդիրին շուրջ բանակցային գործընթացի ներկայ աշխոյժացման՝ այսօր ըսած է․ «Չի կարելի հաշուի չառնել Ատրպէյճանի ակրեսիւ (յարձակողական, ԵՌԱԳՈՅՆ) պահուածքը, որն արդէն երեք եռակողմ պայմանագիր է խախտել: Ապագայ բանակցային գործընթացը, որպէս մեկնակէտ, կ’ունենայ հետեւեալ դրոյթները` նախ` անհրաժեշտ է դադարեցնել կրակը, որովհետեւ երբ կրակում են, անհնար է բանակցութիւններ վարել: Երկրորդ` անհրաժեշտ է հաշուի առնել, որ մենք գործ ունենք մի սուբյեկտի (կողմ, ԵՌԳ.) հետ, որը հրաժարւում է սեփական միջազգային պարտաւորութիւններից: Նշանակում է` ապագայում եւս որեւէ փուլում նրանք կարող են հրաժարուել իրենց ստորագրութիւններից»:

Ըստ Yerkir.am-ի, Քոչարեանը, այսպիսով, ՌԴ արտաքին գործոց նախարար Սերգէյ Լաւրովի Երեւան կատարելիք երկօրեայ այցին ընդառաջ՝ կը յստակացնէ բանակցութիւններու շարունակման հետ կապուած հայկական կողմին դիրքորոշումը, ըստ որուն` փաստօրէն, այս պահուն կարգաւորման սկզբունքներուն, մեքենականութիւններուն շուրջ բանակցութիւնները անհնար են: Այսինքն` հայկական կողմը կը մերժէ այս փուլին իր կողմէն որեւէ զիջման ակնկալիքի վրայ հիմնուած հնարաւոր առաջարկ:

Երեւանի դիրքորոշումը կը կառուցուի երեք կէտերու վրայ: Առաջին` Ապրիլի քառօրեայ պատերազմը ոչ միայն ռազմական, այլ նաեւ քաղաքական առումով իրավիճակ փոխած է` անկախ այն հանգամանքէն, որ ատրպէյճանական յարձակման հետեւանքով բնագիծերը փոփոխութեան չեն ենթարկուած: Եւ իրավիճակի այդ փոփոխութիւնը չի կրնար հաշուի չառնուիլ յետագայ բանակցութիւններուն ընթացքին:

Երկրորդ` հայկական կողմը կարգաւորման շուրջ բանակցութիւններու մէջ չ՝ուզեր մտնել, քանի դեռ հրադադարը ամբողջութեամբ վերականգնուած չէ: Պէտք է ենթադրել, որ Երեւանի հիմնական ակնկալիքը Ատրպէյճանի կողմէ ծանր հրետանին, զրահամեքենաները եւ պահեստային ուժերը առաջնագիծէն ետ քաշելն է: Երեւանը կը հասկցնէ, որ չի պատրաստուիր բանակցիլ հրանօթներու փողերու ճնշման եւ նոր յարձակումներու սպառնալիքի ներքոյ, որ Պաքուն ակնյայտօրէն կը կիրառէ իբրեւ բանակցութիւններու վրայ ներգործելու դիւանագիտական-հոգեբանական միջոց:

Երրորդ` որեւէ բանակցութիւն անիմաստ է, քանի որ Պաքուն իր ստանձնած պայմանագրային պարտաւորութիւնները չի կատարեր: Որեւէ երաշխիք չի կրնար ըլլալ, որ կարգաւորման որեւէ փուլի ընթացքին, ընդհուպ` խաղաղութեան պայմանագիրը ստորագրելէն ետք, Պաքուն կրկին պիտի չհրաժարի իր պարտաւորութիւններէն եւ նոր ռազմական յարձակման պիտի չդիմէ` ներկայացնելով այլ պահանջներ: Այս կէտով հայկական կողմը նաեւ կասկածի տակ կը դնէ հաստատուելիք խաղաղութիւնը երաշխաւորելու, միջազգային իրաւունքի ծիրէն ներս ապահովագրելու` միջազգային հանրութեան եւ Ռուսաստանի կարողութիւնը: Շաւարշ Քոչարեանի ուղերձի ենթահողը այս առումով հետեւեալն է` մինչեւ Ատրպէյճանի սանձերը չքաշէք, հայկական կողմը ներկայ իրավիճակէն շեղման որեւէ քայլի պիտի չերթայ:

Փաստօրէն, Լաւրովի այցէն առաջ Երեւանը զգալիօրէն եւ կտրուկ կը կոշտացնէ իր դիրքորոշումները: Դեռ Ապրիլ 8-ին, երբ ղարաբաղեան արիւնալի շարժումէն ետք առաջին անգամ Լաւրովը Պաքուի մէջ յայտարարեց կարգաւորման չափազանց մօտ ըլլալու, սեղանին գտնուող կարգաւորման քանի մը տարբերակներու եւ կողմերու միջեւ բանակցային նոր գործընթաց սկսելու մասին, ՀՀ արտաքին գործոց նախարարութեան խօսնակ Տիգրան Բալայեանը արձագանգեց, որ հայկական կողմը պատրաստ է բանակցութիւնները շարունակելու մատրիտեան սկզբունքներու` 2011-ի դրդուած «կազանեան փաստաթուղթի» ծիրին մէջ: Օրեր անց այս միտքը Հանրային հեռուստաընկերութեամբ կրկնեց նաեւ ՀՀ արտաքին գործոց նախարար Էդուարդ Նալպանտեանը` նշելով, որ, բացի կազանեան փաստաթուղթէն, մնացեալ բոլոր տարբերակները, իբրեւ մերժուած կամ ձախողած, ի պահ տրուած են ԵԱՀԿ Վիեննայի գրասենեակին: Հիմա, փաստօրէն, Երեւանը կը հասկցնէ, որ անգամ ատիկա քննարկելը կը համարուի ժամանակավրէպ:

Պէտք է ենթադրել, որ հայկական կողմի դիրքորոշման այսպիսի կտրուկ շրջադարձի վրայ ազդած են քանի մը գործօններ: Առաջինը, բնականաբար, զօրքերը առաջնագիծէն չհեռացնելու` Ատրպէյճանի յամառութիւնն է: Պատերազմի սպառնալիքի տակ բանակցութիւնները կրնան ըլլալ ոչ թէ փոխզիջումներու,  այլ միակողմանի զիջումներու տրամաբանութեան մէջ, որուն յարմարուիլը հայկական կողմին համար ինքնասպանութիւն է:

Երկրորդ` Լաւրովի այցէն առաջ Կրեմլը իսկական տեղակատուական-քարոզչական յարձակում սկսաւ Երեւանի ուղղութեամբ` տեղեկատուական արտահոսքի եղանակով շրջանառութեան մէջ դնելով ԼՂ հիմնահարցի կարգաւորման Մոսկուայի ծրագիրը, որուն ողջ իմաստը երերուն խաղաղութեան խոստման դիմաց այս փուլին հայկական կողմէն նախկին ԼՂԻՄ-ին յարակից շրջաններու մէկ մասը Ատրպէյճանին յանձնելն էր` ԼՂ կարգավիճակի որոշման հարցը փաստացի լղոզելու միջոցով: Մոսկուան, այդպիսով, փորձեց Երեւանը նախապատրաստել Լաւրովի այցին հետ կապուած ճնշումներուն` թերեւս ակնկալելով, որ ՀՀ իշխանութիւնները պիտի սկսին իրենց հերթին հայաստանեան եւ ղարաբաղեան հասարակութիւնը նախապատրաստել տարածքային զիջումներու անխուսափելիութեան: Նման բան, սակայն, տեղի չունեցաւ: Հակառակը` Երեւանը պաշտօնապէս հաստատեց, որ կը պատրաստուի ոչ թէ գլուխը կախ լսել ՌԴ արտաքին գործոց նախարարին, այլ անկէ բացատրութիւններ ստանալ ԼՂ հարցով եւ յատկապէս ապրիլեան պատերազմի ծիրէն ներս Մոսկուայի դրսեւորած դաշնակցային յարաբերութիւններու տրամաբանութեան մէջ չտեղաւորուող, ընդհուպ` դաւադրական վարքագիծին կապակցութեամբ:

Երկու օր առաջ ռուսական «ՌԻԱ Նովըսթի» գործակալութեան հետ զրոյցին ընթացքին՝ ՀՀ նախագահի մամուլի քարտուղար Վլատիմիր Յակոբեանը նշած էր. «Սերգէյ Լաւրովի այցը Հայաստան լաւ առիթ կը հանդիսանայ` շարունակելու Ապրիլի սկզբին ԼՂ-ի դէմ Ատրպէյճանի սանձազերծած լայնամասշտաբ ակրեսիւ գործողութիւնների, Ատրպէյճանի ռազմական յանցագործութիւնների, խաղաղ բնակչութեան դէմ յանցագործութիւնների առնչութեամբ ՌԴ մօտեցումների վերաբերեալ քննարկումները, ինչպէս նաեւ բանակցային գործընթացի հեռանկարների դիտարկումը, որի էութիւնը, անկասկած, ԼՂ ժողովրդի ինքնորոշման իրաւունքի իրացումն է»: Յակոբեանը նաեւ նշած էր, որ Երեւանը եւ Ստեփանակերտը մշտապէս աջակցութիւն յայտնած են ԵԱՀԿ ՄԽ համանախագահներու դիրքորոշումներուն, ինչով դժգոհութիւն յայտնած է  բանակցութիւնները առանձին տնօրինելու եւ ուղղորդելու, ատոով ՄԽ եռանախագահութեան ձեւաչափը արժէզրկելու` Մոսկուայի ներկայ ուղեգիծին կապակցութեամբ:

Մոսկուա-Երեւան տեղեկատուական-քարոզչական այս փոխհրաձգութիւնը ցոյց կու տայ, որ Երեւանի մէջ չափազանց դժուար խօսակցութիւն կը սպասուի Լաւրովի հետ: Ողջ հարցը այն է` արդեօ՞ք հայկական կողմը փակ դռներու ետին ալ պիտի գործէ` իր հրապարակային կոշտ մօտեցումներուն համապատասխան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...