News

16
Sep

Ուքրանիոյ Բերդեանսք Քաղաքին Մէջ Հայկական Խաչքար Օծուած է

Ուքրանիոյ Բերդեանսք
քաղաքին մէջ տեղի ունեցած է Ազմոլ շրջանին մէջ տեղադրուած հայկական խաչքարի օծման արարողութիւն, կը
յայտնէ AnalitikaUA.net-ը:

«Ուքրանիոյ հայոց թեմի
առաջնորդ Տէր Մարկոս եպս․ Յովհաննիսեանի գլխաւորութեամբ օծուած խաչքարը դարձած է ուքրանացի
եւ հայ ժողովուրդներու անմեղ զոհերու յիշատակի խորհրդանիշը:

Ուքրանիոյ հայերու
միութեան գործադիր տնօրէն Յովակիմ Յարութիւնեանի խօսքով` յուշարձանի տեղադրումը նախաձեռնած
է Բերդեանսքի հայերու միութեան նախագահ Յովհաննէս Աւդալեանը:

«Վերջին քանի մը տարուան
ընթացքին Ուքրանիոյ հայերու միութիւնը կազմակերպած է Հայաստանէն բերուած աւելի քան
25 խաչքարի տեղադրումը. անոնցմէ մէկն ալ այժմ Բերդեանսքի մէջ է: Խաչքար-յուշարձանները
կը տեղադրուին այնտեղ, ուր մեր հայրենակիցները իրենց հետքը ձգած են: Բերդեանսքի հայկական
համայնքը իր ուժերը չէ խնայած, որպէսզի մենք կարենանք յաւերժացնել հայերու յիշատակը»,-
նշած է Տէր Յովակիմ:

Աւդալեանն ընդգծել
է, որ խաչքարի տեղադրումը նախատեսուէր այս տարուան գարնան, սակայն, համավարակով պատճառով
յետաձգուեցաւ: Ան շնորհաւորած է բոլոր հիւրերն եւ շնորհակալութիւն յայտնած Ուքրանիոյ
հայերու միութեան նախագահ Վիլեն Շատուորեանին:

Կայքը կը նշէ, որ Ուքրանիոյ
հայերու միութեան կողմէ կազմակերպուած շարք մը ձեռնարկներ տեղի ունեցած են արեւելեան
տարածաշրջանին մէջ: Զապոռոժյէի մէջ տեղի ունեցած է Ուքրանիոյ հայերու միութեան համաժողովը,
որմէ ետք կազմակերպութիւնը բժշկական սարքաւորումներ նուիրած է մարզային մանկական հիւանդանոցին։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...