News

23
Mar

Չինաստան Պատրաստ է Հայաստանին Անհատոյց Տրամադրել Բժշկական Յատուկ Արտահագուստ եւ Թոքերու Սարքեր

Մարտ 23-ին ՀՀ ԱԳ նախարարի
տեղակալ Աւետ Ադոնց հեռախօսային տեսաքննարկում ունեցած է  Հայաստանի մէջ Չինաստանի դեսպան Թիեն Ըրլունի հետ։
Կողմերը անդրադարձան Հայաստանի եւ Չինաստանի մէջ նոր տեսակի քորոնաժահրի հետ կապուած
իրավիճակին, տեղեկատւութիւն փոխանակած են այս ուղղութեամբ երկու երկիրներու կառավարութիւններու
կողմէ ձեռնարկուող քայլերու շուրջ: Այս մասին կը հաղորդէ ՀՀ ԱԳՆ կայքը։

Երկուստեք գոհունակութիւն
արտայայտուած է նոր տեսակի քորոնաժահրի դէմ պայքարի ուղղութեամբ Հայաստանի եւ Չինաստանի
միջեւ հաստատուած սերտ համագործակցութեան կապակցութեամբ: Նախարարի տեղակալ Ադոնցը շնորհակալութիւն
յայտնած է դեսպան Թիենին Հայաստանի մէջ Չինաստանի դեսպանութեան օգնութեամբ ՀՀ առողջապահութեան
նախարարութեան անհատոյց տրամադրուած 1008 հատ նոր տեսակի տիպի քորոնաժահրի փրձարկիչի
համար, որոնք օրերս հասած են Հայաստան:

ԱԳ նախարարի տեղակալը
բարձր գնահատած այն փաստը, որ չինական կողմը շարունակաբար կը կիսուի քորոնաժահրի դէմ
պայքարի եւ կանխարգիլման միջոցառումներու իր լաւագոյն փորձով: Ան կարեւոր համարած է
Չինաստանի կողմէ համավարակի դէմ պայքարի վերաբերեալ գիտելիքի առցանց տեղեկատուական
հարթակի ստեղծումը (Knowledge Center for China’s Experiences in Response to
COVID-19, https://covid19.alliancebrh.com), ինչպէս նաեւ Չինաստանի Ճըծեանգ նահանգի
առաջին բժշկական համալսարանական հիւանդանոցի կողմէ քորոնավարակի կանխարգիլման եւ բուժման
մասին ձեռնարկի կազմումը, որու վերաբերեալ տեղեկատուութիւնը վերջին շրջանին փոխանցուած
է ՀՀ առողջապահութեան նախարարութեան:

Կողմերը քննարկած են
նաեւ բժշկական յատուկ արտահագուստի, դիմակներու եւ թոքերու արհեստական օդափոխութեան
սարքերու մատակարարումներու հետ կապուած հարցեր: ՀՀ ԱԳ նախարարի տեղակալը խնդրած է
չինական կողմին շարունակել այս ուղղութեամբ տրամադրուող աջակցութիւնը: Դեսպան Թիեն
նշած է, որ Չինաստան պատրաստ է Հայաստանին յաւելեալ աջակցութիւն ցուցաբերել` անհատոյց
տրամադրելով բժշկական յատուկ արտահագուստ եւ թոքերու արհեստական օդափոխութեան սարքեր
110 000 տոլարի չափով:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...