News

26
Jun

Պայմանագրային Զինծառայող Յովհաննէս Մելքոնեանի Մահուան Գործով Մեղադրանք Առաջադրուած է

zinvor2

Պայմանագրային զինծառայող, շարքային Յովհաննէս Մելքոնեանի մահուան դէպքին առիթով՝ ՀՀ ՔԿ ԶՔԳՎ հինգերորդ կայազօրային քննչական բաժինի վարոյթին մէջ քննուող քրէական գործով մեղադրանք առաջադրուած է վաշտի հրամանատարի տեղակալին: Այս մասին կը տեղեկացնեն ՀՀ քննչական կոմիտէի բաժանմունքի տեղեկատւութեան եւ հասարակայնութեան հետ կապերու բաժինէն:

Զինծառայողը զոհուած է Յունիս 22-ի ուշ երեկոյեան՝ մարտական դիրքին մէջ։

Դէպքին առիթով յարուցուած քրէական գործով ձեռնարկուած քայլերուն իբրեւ արդիւնք պարզուած է,  որ զօրամասի հրաձգային գումարտակի վաշտի հրամանատարի տեղակալ, հրամանատար Ս.Կարապետեան, ընդգրկուած ըլլալով մարտական հերթապահութեան զօրամասի պահպանութեան տեղամասի մարտական դիրքին մէջ իբրեւ յենակէտի պատասխանատու, վատնած է ծառայողական օգտագործման համար դիրքի անձնակազմին տրամադրուած, ռազմամթերք հանդիսացող փամփուշտները։ 22.06.2018-ին, ժամը 18:00-ի սահմաններուն, գտնուելով ոգելից խմիչքի ազդեցութեան տակ՝ դիրքի կացարանի զինաբուրգէն վերցուցած է ինքնաձիգ եւ դիրքի խոհանոցի յարակից տարածքին վրայ՝ առանց որեւէ հիմնաւոր պատճառի՝ կրակոցներ արձակած օդ, նոյնը կրկնուած է նաեւ ժամը 21:00-ի սահմաններուն: Այնուհետեւ, ժամը 22:50-ի սահմաններուն, հրամանատարը կրկին զինաբուրգէն վերցուցած է նոյն դիրքին մէջ մարտական հերթապահութիւն իրականացնող պայմանագրային զինծառայող, եֆրէյտոր Հ. Դարբինեանին ամրակցուած ինքնաձիգը եւ խոհանոցի յարակից տարածքին մէջ լիցքաւորելով զայն` արձակած անկանոն կրակոցներ, որուն հետեւանքով զոհուած է իրմէ քանի մը մեթր հեռաւորութեան վրայ գտնուող, մարտական դիրքին մէջ հերթապահութիւն իրականացնող, պայմանագրային զինծառայող, շարքային Յովհաննէս Գրիշա Մելքոնեանը։

Ձեռք բերուած բաւարար ապացոյցներու համակցութեամբ` հրամանատարին առաջադրուած է մեղադրանք` ՀՀ քրէական օրէնսգրքի 371-րդ յօդուածի 2-րդ եւ 373-րդ յօդուածի 3-րդ մասերով:

Ծանուցում. Ենթադրեալ յանցանքին մէջ կասկածուողը կամ մեղադրուողը կը համարուի անմեղ, քանի դեռ անոր մեղաւորութիւնը ապացուցուած չէ ՀՀ քրէական դատավարութեան օրէնսգիրքով սահմանուած կարգով` դատարանի` օրինական ուժի մէջ մտած դատավճիռով:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...