News

18
Apr

Պաշտպանութեան Բանակը Ռուսիոյ Հայ Համայնքին Կողմէ Դարձեալ Մեքենաներ Նուէր Ստացած Է

42876

Ռուսիոյ Դաշնութեան Օրէնպուրգ քաղաքի հայկական համայնքը իր զօրակցութիւնը յայտնած է Արցախին` Պաշտպանութեան բանակին համար ձեռք բերելով «Վազ» մակնիշի մարդատար եւ շտապօգնութեան 4 մեքենայ:

Այսօր Ստեփանակերտի Վերածնունդի հրապարակին վրայ Օրէնպուրգէն ժամանած հայ համայնքի ներկայացուցիչներուն կողմէի ԼՂՀ պաշտպանութեան նախարարի առաջին տեղակալ զօրավար-գնդապետ Սամուէլ Կարապետեանին յանձնուած են մեքենաներուն բանալիները:

Վերջինս շնորհակալութիւն յայտնած է Ռուսաստանի հայ համայնքին, մասնաւորապէս Օրէնպուրգի հայութեան` իրենց աջակցութիւն ցուցաբերելու համար:

Մեքենաներուն յանձնման հանդիսաւոր արարողութեան մասնակից ԼՂՀ վարչապետ Արայիկ Յարութիւնեան, ԼՂՀ իշխանութիւններու անունէն շնորհակալութիւն յայտնելով Օրէնպուրգի հայ համայնքի ներկայացուցիչներուն, նշած է. «Հայաստանի սահմանը սկսւում է Արցախի առաջնագծից. այն յուսալի կերպով պաշտպանւում է հայ զինուորի կողմից: Մենք աւելի ամուր ենք նաեւ Արցախի հանդէպ սփիւռքահայութեան կողմից ունեցած սրտացաւ վերաբերմունքի շնորհիւ»:

Վարչապետը նաեւ ընդգծած է, որ այս օրերուն Ռուսիոյ մէջ ապրող մեր հայրենակիցներուն կողմէ պաշտպանութեան բանակին համար մեքենաներու արդէն չորրորդ խմբաքանակը կը ստանան:

«Արցախփրես»-ի թղթակցին Օրէնպուրգի հայ համայնքի ներկայացուցիչ Արմէն Աթասեան ըսած է. «Տայ Աստուած, որ Արցախում այլեւս պատերազմ չլինի, եւ որ հայ երիտասարդներն իրենց ծառայութիւնն անցկացնեն միայն խաղաղ պայմաններում: Բայց եթէ թշնամին նորից համարձակուի ոտնձգութեան փորձ կատարել, մենք կրկին Արցախ կը գանք. այդժամ մենք որպէս զինուոր կը կանգնենք մեր տղաների կողքին»:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...