News

19
May

Պէտք է Դուրս Շպրտենք Թուրքիոյ Դեսպանը. Ամերիկացի Ազդեցիկ Ծորակուտականը Կոչով Հանդէս Եկած է

john mccainԱմերիկացի ազդեցիկ ծերակուտական, հանրապետական Ճոն Մքքէյն MSNBC-ին տուած հարցազրոյցի ժամանակ անդրադարձած է Մայիս 16-ին ԱՄՆ-ի մէջ էրտողանամէտ խումբին եւ Էրտողանի թիկնապահներուն ստեղծած ծեծկռտուքին`  կոչ ընելով դուրս շպրտելու Միացեալ Նահանգներու Մէջ Թուրքիոյ դեսպանը, կը տեղեկացնէ Asbarez-ը:

Յիշեցնենք, որ Միացեալ Նահանգներ այցելող Թուրքիոյ նախագահ Ռեճեփ Թայիփ Էրտողանի դէմ մայրաքաղաք Ուաշինկթընի մէջ կազմակերպուած խաղաղ ցոյցին մասնակիցները թիրախ դարձած են խումբ մը թուրք ազգայնամոլներու կատաղի յարձակման: Քանի մը վիրաւորներ արնաշաղախ տեղափոխուած են հիւանդանոց: Աւելի ուշ յայտնի դարձած է, որ յարձակումը իրականացուցած են Էրտողանի անվտանգութեան աշխատակիցները: Յարձակման հետեւանքով 9 մարդ վիրաւորուած են եւ տեղափոխուած հիւանդանոց, ըստ որոշ տեղեկութիւններու` 2 հոգի ձերբակալուած է:

«Գրողը տանի, մենք պէտք է Ամերիկայէն դուրս շպրտենք անոնց դեսպանը: Նման դէպքերը դիւանագիտօրէն պէտք չէ անպատասխան մնան: Անոնք սովորական մարդիկ չէին, անոնք Էրտողանի անվտանգութեան աշխատակիցներն էին: Անոնցմէ մէկը կ՛ըսէ, որ երթան եւ հարուածեն խաղաղ ցուցարարներուն: Ի վերջոյ, անոնք ոտնահարեցին ԱՄՆ օրէնքները: Նման դէպքեր չեն կրնար տեղի ունենալ Միացեալ Նահանգներու մէջ,  ուր ժողովուրդը իրաւունք ունի խաղաղ ցոյց ընելու, ինչպէսեւ անոնք կ՛ընէին»,- յայտարարած է ան` նշելով, որ այս գործով պէտք է իրաւական գործընթացի սկսիլ:

Նշենք, որ Մքքէյն դէպքին անդրադարձած էր նաեւ իր Twitter-ի իր էջին` զայն որակելով «աւազակային վարքագիծ»: «Սա Ամերիկայի Միացեալ Նահանգներն է: Նման բաներ այստեղ չենք ըներ: Չկայ ոչ մէկ արդարացում աւազակային նմանատիպ վարքագիծի համար»,- գրած էր ան:

Յիշեցնենք նաեւ, որ Մայիս 16-ին Ուաշինկթընի մէջ տեղի ունեցած միջադէպին մասին «Ամերիկայի ձայն»-ը հրապարակած ՝ տեսանիւթ մը, ուր յստակ կ՛երեւի, թէ ինչպէս Թուրքիոյ նախագահ Ռեճեփ Թայիփ Էրտողան կը դիտէ իր թիկնապահներուն յարձակումը ցուցարարներուն վրայ, եւ յարձակումէն մի քանի մը վայրկեան անց դուրս կու գալիս ինքնաշարժէն:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...