News

07
Mar

Պիտի Շարունակեմ Պայքարը, Անիկա Պիտի Ըլլայ Աւելի Կտրուկ Եւ Թէժ․ Հաց Բերող

հաց բերողըՊիտի շարունակեմ իմ պայքարս, անիկա պիտի ըլլայ աւելի կտրուկ եւ թէժ․ Սիւիլնեթի հետ բացառիկ զրոյցի ընթացքին ըսած է «Արմենիա» բժշկական կեդրոնին մէջ գտնուող Արթուր Սարգսեանը` Հաց բերողը, որ այսօր վերակենդանացման բաժանմունքէն տեղափոխուած է աղեստամոքսային բաժանմունք: Ան պատմեց, որ երէկուընէ սկսած է սնունդ ընդունելու:

Սարգսեան ըսած է, որ կը գտնուի բաւարար վիճակի մէջ, ցաւեր կան, սակայն «ատոնք էական չեն»:

«Եթէ կալանքը երէկ չփոխուէր, հացադուլը պիտի շարունակէր մինչեւ վերջ»,- յայտարարեց Հաց բերողը:

Իր ընելիքներուն մասին Հաց բերողը ըսած է, որ առաջին քայլը պիտի ըլլայ «վիժեցնել Ապրիլի 2-ի ընտրութիւները, որոնք այսօրուան իշխանութիւնները յայտարարած են իբրեւ յաղթանակի եւ ընտրութիւններու օր»:

Հաց բերողը շնորհակալութիւն յայտնեց բոլոր այն մարդոց, որոնք անմիջական ներգրաւուած են զինք ազատ արձակելու գործին մէջ:

Ան խոստացաւ շուտով հանդէս գալ յայտարարութեամբ:

Զրուցեց Անի Գրիգորեանը

***

Մարտ 6-ին Հաց բերողի խափանման միջոցը փոխուած է: Գլխաւոր դատախազութիւնը յայտարարած է, որ ԱԺ պատգամաւորներ Էդմոն Մարուքեանի, Լեւոն Զուրաբեանի, Նիկոլ Փաշինեանի, Հեղինէ Բիշարեանի, Միքայէլ Մանուկեանի եւ Արամ Մանուկեանի կողմէ իրենց խնդրանքը հաստատելէ եւ օրէնքով նախատեսուած դրամական գումարը մուծելէ ետք նախաքննութեան օրինականութեան նկատմամբ հսկողութիւն իրականացնող դատախազը որոշած է Արթուր Սարգսեանի նկատմամբ կիրառուած խափանման միջոց կալանաւորումը փոխելու եւ անձնական երաշխաւորութիւն խափանման միջոց կիրառելու վերաբերեալ:

Հաց բերողը դատապարտեալներու հիւանդանոցէն տեղափոխուած է «Արմենիա» հանրապետական բժշկական կեդրոն:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...