News

31
May

Պոլսոյ Հայոց Պատրիարքարանը Պեքճեանի Ժամանելուն Առնչութեամբ Յայտարարութիւն Տարածած է

badriarkaran

Պոլսոյ Հայոց պատրիարքարանը յայտարարութիւն տարածած է` կապուած պատրիարքական տեղապահ Գարեգին արքեպիսկոպոս Պեքճեանի` Սթամպուլ ժամանելուն հետ:

Պոլսոյ պատրիարքարանի հաղորդագրութեան մէջ կ՛ըսուի, որ Պեքճեան Յունիս 1-ին ժամը 14:45-ին պիտի ժամանէ Սթամպուլ:

Նոյն երեկոյ` Գումգափուի Աթոռանիստ Մայր տաճարին մէջ ժամը 17:00-ին տեղի պիտի ունենայ հրաշափառի եւ երդման արարողութիւն: «Նորին Սրբազանութիւնը ցանկութիւն յայտնած է, որ մեր հաւատացեալները համախմբուին Աթոռանիստ Մայր Տաճար, այլ ոչ թէ օդակայան: Ուստի, սիրով կը հրաւիրենք համայնքային եւ թաղային մարմիններն ու մամուլի ներկայացուցիչները, ինչպէս նաեւ մեր հաւատացեալ ժողովուրդը արարողութեան մասնակցելու ու բարի գալուստ մաղթելու Նորին Սրբազանութեան»,- կ՛ըսուի յայտարարութեան մէջ:

Գերմանիոյ Հայոց թեմի առաջնորդ Պեքճեան Մարտ 15-ին Պոլսոյ պատրիարքարանի հոգեւոր խորհրդին կողմէ ընտրուած էր պատրիարքական տեղապահ: Անոր ընտրուելէն ետք, սակայն, Արամ արք Աթէշեան հրաժարած էր ձգել պատրիարքական փոխանորդի պաշտօնը, որու հետեւանքով պատրիարքարանին մէջ միառժամանակ լարուածութիւն սկսուած էր:

Աթէշեան միայն Մայիս 24-ին յայտարարեց հրաժարական տալու մասին` պաշտօնապէս Պեքճեանին հրաւիրելով Սթամպուլ: Վերջինս աւելի առաջ մեկնած էր Գերմանիա եւ յայտարարած, որ եթէ պատրիարքական ընտրութեան հետ կապուած որեւէ յստակ զարգացում տեղի չունենայ,  պիտի չվերադառնայ Սթամպուլ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...