News

14
Feb

Ջաւախքի Հեշտիա Գիւղին Մէջ Պիտի Բացուի «Արմաթ» ճարտարագիտական Կեդրոն

Ջաւախքի Հեշտիա գիւղին մէջ Փետրուար 20-ին, ժամը 14.00-ին  տեղի պիտի ունենայ Վրաստանի մէջ 2-րդ «Արմաթ» ճարտարագիտական տարրալուծարանի պաշտօնական բացման արարողութիւնը` այս անգամ եռակողմ համագործակցութեամբ: Ինչպէս կը հաղորդէ «Արմենփրես»-ը, ծրագիրը պիտի իրականացուի «Քարիթաս Վրաստան»-ի հովանաւորութեամբ եւ «Ջաւախքին աջակցութիւն» հիմնադրամի Վրաստանի ներկայացուցչութեան ու Առաջատար արհեստագիտութիւններու ձեռնարկութիւններու միութեան (ԱՏՁՄ) գործընկերութեամբ:

Բացման արարողութեան ներկայ պիտի ըլլան ՀՀ կրթութեան եւ գիտութեան նախարար Արայիկ Յարութիւնեան, ՀՀ մշակոյթի նախարարի տեղական Տիգրան Գալստեան, Վրաստանի մէջ Հայաստանի դեսպան Ռուբէն Սադոյեան, Վրաստանի բարձրագոյն պաշտօնատար անձիք, Վրաստանի խորհրդարանի պատգամաւորներ, տեղական իշխանութիւններու ներկայացուցիչներ, «Քարիթաս Վրաստան»-ի, «Ջաւախքին աջակցութիւն» հիմնադրամի (ՋԱՀ) եւ Առաջատար արհեստագիտութիւններու ձեռնարկութիւններու միութեան (ԱՏՁՄ) ղեկավար կազմը, հոգեւոր դասի ներկայացուցիչներ, բազմաթիւ գործարարներ, տարբեր երկիրներէ ջաւախքցի հիւրեր եւ տարրալուծարանի սաներ:

Հեշտիայի «Արմաթ» ճարտարագիտական տարրալուծարանին մէջ շուրջ 70 երեխայ արդէն կը մասնակցի դասընթացներուն` ձեռք բերելով ճարտարագիտութեան, եռաչափ ձեւարուման, ծրագրաւորման, ռոպոթաշինութեան եւ ձեւաւորման հմտութիւններ: Հեշտիայի «Արմաթ» տարրալուծարանը ներդրուած է «Քարիթաս Վրաստան» բարեգործական հիմնադրամի «Մանկական եւ երիտասարդական» կեդրոնին մէջ, որ կը նպաստէ տեղացի երեխաներու եւ երիտասարդներու կեանքի որակի բարելաւման:

Ծրագիրը կը խթանէ Ջաւախքի մէջ արհեսատագիտական կրթութեան զարգացումը, արհեստագիտական զբաղուածութեան ընդլայնումը, յաւելեալ տնտեսական աշխուժութիւնը եւ կը ստեղծէ աշխատանքի հնարաւորութիւններ ու հայրենիքի մէջ մնալու հեռանկարներ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...