News

12
Jan

Ջերմուկի Մէջ Տեղի Պիտի Ունենայ «Ձնեմարդուկ-2018» Փառատօնը

ձնեմարդուկ

«Ձնեմարդուկ-2018. ձիւնէ արուեստի փառատօն»-ը այս տարի նորութիւններով  հանդէս կու գայ: Ծրագիրը պիտի ընդգրկէ սառցամագլցում, հեծանիւային մարզային գաւաթի մրցոյթ եւ դահուկավազք: Ըստ «Արմենփրես»-ի՝  այս մասին յայտնած է «Ջերմուկի զարգացման կեդրոն» հասարակակակն կազմակերպութեան նախագահ Վազգէն Գալստեան:

«Ձնեմարդուկ -2018. ձիւնէ արուեստի փառատօն»-ը այս տարի տեղի պիտի ունենայ Փետրուար 17-18-ին: Սառցամագլցումը Հայաստանի մէջ պիտի կազմակերպուի առաջին անգամ ըլլալով, սակայն այս տարի եղանակային պայմանները քիչ մը կը խանգարեն: Ջերմուկի մէջ երբեք այսքան տաք ձմեռ չէ եղած, բայց եթէ քանի մը օր անընդմէջ սառնամանիքներ ըլլան` անպայման կ’իրականացնենք»,- նշած է Վազգէն Գալստեան: Անոր խօսքով` քանդակներ պատրաստելուն հիմնականօրէն կը մասնակցին Ջերմուկ քաղաքի երեխաները, բայց կը հրաւիրուին նաեւ Երեւանի Փանոս Թերլեմեզեանի անուան պետական քոլեջի լաւագոյն ուսանողները: Անոնք Ջերմուկի մէջ 2-3 մեթր բարձրութեամբ մեծ արձաններ կը քանդակեն:

Մրցանակային ֆոնտը այժմ կը նախատեսուի միայն տեղացի երեխաներուն համար։ Մրցանակն է ժայռամագլցման անվճար դասընթացներու մասնակցութիւն, որ տեղի պիտի ունենայ Մարտին: «Քոլեճի երեխաները պիտի ստանան խրախուսական պարգեւներ, անոնց մրցակցութեան մէջ չենք դներ»,- ըսած է «Ջերմուկի զարգացման կեդրոն»-ի նախագահը:

«Փառատօնի հիմնական նպատակներէն է ծայրայեղ (extreme) մարզաձեւերը զարգացնելը: «Ձնեմարդուկ» փառատօնի ժամանակ Հայաստանի մէջ առաջին անգամ կազմակերպուեցան հեծանիւային մարզային ձմեռնային գաւաթի մրցոյթը, որ կ՛իրականացուի արդէն 4 տարիէ, տարուան ընթացքին մէկ անգամ: Մեր քաղաքին մէջ գտնուող ճոպանուղիի մօտէն պիտի կազմակերպենք մարդոց հեծանիւով իջնելը: Կրնան մասնակցիլ անոնք, որոնք ունին համապատասխան փորձ եւ հմտութիւն: Բոլորը չէ, որ կրնան բարձրանալ վերեւ եւ հեծանիւով իջնել»,- ներկայացուց Գալստեան:

 Փետրուար 17-ի երեկոյեան տեղի պիտի ունենայ կրակներով պար եւ ժամը 20:00-էն 22:00 բացօթեայ ձեռնարկ, որ կը կոչուի «Ձմեռնային ցուրտ երեկոյթ»:

Փառատօնի ընթացքին` Փետրուար 18-ին, Ջերմուկի մէջ տեղի պիտի ունենայ նաեւ խաղ յատուկ ձգուած ժապաւէնի վրայ քալելու հմտութիւն ունեցողներու համար, որոնք 2-3 հոգիով պիտի ցուցադրեն իրենց հմտութիւնները: Ժապաւէնը կը կապուի 50 մ բարձրութեամբ եւ ցանկացողները կրնան մօտենալ եւ փորձել իրենց ուժերը:

Փառատօնը կը ֆինանսաւորուի Ջերմուկի համայնքապետարանի կողմէ, իսկ աջակցութիւն պիտի ցուցաբերեն Զբօսաշրջութեան պետական կոմիտէն, Սմիթսոնեան հիմնարկը խորհրդատուութիւն պիտի տրամադրէ կազմակերպչական, ինչպէս նաեւ տեսաձայնային նկարահանումներու ու մոնտաժային աշխատանքներու իրականացման Կազմակերպիչներն են «Ջերմուկի զարգացման կեդրոն»-ը, «Ջերմուկի երիտասարդական կեդրոն» ՀԵԱԿ-ը եւ Ջերմուկի համայնքապետարանը:

Լիլիթ Դեմուրեան

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...