News

16
Oct

Սամցխէ-Ջաւախքի Հայերը Ցոյցեր եւ Դրամահաւաք Կազմակերպած են

Համայն հայութիւնը Սամցխէ-Ջաւախքի, ինչպէս նաեւ ամբողջ Վրաստանի մէջ համախմբուած ուժերով կը փորձեն իրենց օգնութիւնը ցուցաբերել Արցախին:

 Այդ օգնութիւնը
տարբեր ձեւերով կ՛արտայայտուի: 

 «Ջաւախքի մէջ այս օրերուն այն ինչ կը կատարուի, կարելի է ըսել, աննախադէպ է: Պատերազմի առաջին օրերուն ջաւախահայերը փակեցին Կարծախի սահմանակէտը, որ Թուրքիան կը միացնէ Վրաստանին: Եւ կ՛ըսէին, եթէ մեր ապրանքներուն մուտքը չի թոյլատրուիր Հայաստան, ուրեմն
թրքական բեռնատարները եւս պիտի չմտնեն Վրաստան», – «Հայերն այսօր»-ին պատմած է Սամցխէ-Ջաւախքի մետիա վերլուծական
կեդրոնի տնօրէն Էդուարդ Այվազեան:

Այվազեանի խօսքով` վերջին օրերուն մօտ կէս միլիոն տոլար
գումար հաւաքուած է: Գումարին մէկ մասը տարբեր
ձեւերով ուղարկուած է. «Դեղորայքով եւս կրցանք օգնել, ինչպէս նաեւ քնապարկերով եւ տարբեր
այլ իրերով, բայց հիմնական գումարը փոխանցուած է «Հայաստան» համահայկական հիմնադրամին: Եւ մինչեւ օրս դրամահաւաքը չի դադարիր Ջաւախքի եւ տարբեր գիւղերու մէջ:

Օրեր առաջ Ախալցխայի, Ախալքալաքի եւ Նինոծմինդայի հայերը հաւաքուած էին Ախալքալաքի
մարզադաշտը եւ
իրենց վճռական աջակցութիւնը յայտնած էին Արցախին:

«Ամէն գնով եւ ամէն ինչով պատրաստ ենք օգնելու Արցախի հայութեան,
որպէսզի Արցախը կարենայ գոյատեւել
այս պայքարին մէջ եւ արցախահայութիւնը ցեղասպանութեան չենթարկուի, անպայման յաղթանակով
դուրս գայ: Երբ պատերազմը աւարտի, մենք
դարձեալ ու
կրկին պիտի ազգովի կառուցենք Ստեփանակերտը, Շուշին եւ մնացած
քաղաքները, եւ այդպէս ալ պիտի ըլլայ», – ըսած է Այվազեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...