News

13
Sep

Սեպտեմբեր 23-ին Մեծ Շուքով Պիտի Նշուի Ստեփանակերտի Օրը

stepanagerd

Սեպտեմբեր 23-ին Ստեփանակերտ քաղաքի 94-րդ ամեակին նուիրուած տօնական բազմաբնոյթ ձեռնարկներ տեղի պիտի ունենան:

Այս մասին՝ ըստ «Արցախփրես»-ի՝ ըսած է Ստեփանակերտի փոխքաղաքապետ Արմէն Յակոբեան` նշելով, որ ձեռնարկներուն մեկնարկը պիտի ըլլայ Ստեփան Շահումեանի յուշարձանին պաշտօնական արարողակարգով:

«Սեպտեմբեր 22-ին Ստեփանակերտի Ալեքսանդր Գրիբոյեդովի անուան N3 միջնակարգ դպրոցին մէջ պիտի կայանայ «Իմ Ստեփանակերտ» խորագիրով գրական-գերարուեստական ցերեկոյթը»,- նշած է Ա. Յակոբեան` տեղեկացնելով, որ Սեպտեմբեր 23-ին Ստեփանակերտի մշակոյթի եւ երիտասարդութեան պալատին մէջ տեղի պիտի ունենայ «Հին ու նոր Ստեփանակերտ» խորագիրով ցուցահանդէսը:

Երեխաներու մասնակցութեամբ Վերածնունդի հրապարակին վրայ պիտի կազմակերպուին նաեւ մարզական տարբեր մրցոյթներ, նկարչութիւն կուպրի վրայ: Պիտի կազմակերպուին նաեւ ձեռքի աշխատանքներու ցուցահանդէս-վաճառք, իսկ քաղաքի տարբեր թաղամասերու մէջ մայրաքաղաքի ստեղծագործական միութիւններու սաներու մասնակցութեամբ պիտի ըլլանկ համերգային ծրագիրներ, այցելութիւններ պիտի ըլլան նաեւ Ստեփանակերտի մօր եւ մանկան առողջութեան պահպանման կեդրոն` շնորհաւորելու նորածինները, ինչպէս նաեւ հարսանեաց հանդիսութիւններու սրահներ, ուր պիտի շնորհաւորեն նորապսակները:

Տօնական միջոցառումներու աւարտին տեղի պիտի ունենայ համերգ Ստեփանակերտի մշակոյթի եւ երիտասարդութեան պալատին մէջ:

Փոխքաղաքապետը նշած է նաեւ, որ տօնին առիթով Ստեփանակերտ պիտի ժամանէ Երեւանի քաղաքապետարանի պատուիրակութիւնը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...