News

06
Dec

«Սուլթանութեան Ժամանակները Անցած են». Իսրայէլը Պատասխանած է Էրտողանի Յայտարարութեան

jerusalem

Թուրքիոյ նախագահ Ռեճեփ Թայիփ Էրտողան սպառնացած էր խզել Իսրայէլի հետ դիւանագիտական յարաբերութիւնները, եթէ Միացեալ Նահանգներու նախագահ Տանըլտ Թրամփ Երուսաղէմը պաշտօնապէս ճանչնայ որպէս Իսրայէլի մայրաքաղաք:

Էրտողանի այս յայտարարութեան պատասխանած են Իսրայէլի քանի մը բարձրաստիճան պաշտօնեաներ, կը հաղորդէ «Էրմէնիհապեր»-ը:

Ըստ թրքական «Mezopotamyaajansi.com» լրատուական կայքին` Իսրայէլի հետախուզութեան նախարար Իսրայէլ Քացը յայտարարած է,  որ իրենք Թուրքիոյ նախագահին հրամաններուն չեն ենթարկուիր եւ անոր սպառնալիքներէն չեն վախնար: «Իսրայէլ անկախ երկիր է, մայրաքաղաքն ալ Երուսաղէմն է: Աւելի արդար բան չի կրնար ըլլալ, քան 3 հազար տարի հրեայ ժողովուրդի մայքրաքաղաքը հանդիսացող Երուսաղէմի կարգավիճակի ճանաչումը: Օսմանեան կայսրութեան եւ սուլթանութեան ժամանակները անցած են»,- ըսած է Քաց:

Իսրայէլի կրթութեան նախարար Նեֆթալի Պեննեթն ալ արձագանգելով Էրտողանի նոյն յայտարարութեան ըսած է. «Ցաւալի է, որ վերջին տարիներուն Էրտողան Իսրայէլի վրայ յարձակելու առիթը չի փախցներ: Իսրայէլը պէտք է առաջ շարժի դէպի իր նպատակները, որոնց շարքին է Երուսաղէմի որպէս մայրաքաղաք ճանչցուիլը»:

Իսրայէլական յայտնի «Հաարեց» (Haaretz) թերթին մէջ երէկ հրապարակուած էր անունը չբացայայտած հրէայ բարձրաստիճան պաշտօնեայի մը յայտարարութիւնը թեմային վերաբերեալ. «Երուսաղէմը 3 հազար տարի հրէական մայրաքաղաք է, 70 տարի ալ Իսրայէլի մայրաքաղաքը կը հանդիսանայ` անկախ անկէ Էրտողան ճանչնայ  ատիկա, թէ` ոչ»:

Յիշեցնենք, որ երէկ` Դեկտեմբեր 5-ին, Էրտողան կուսակցութեան ժողովին ունեցած ելոյթի ընթացին անդրադարձած էր Երուսաղէմը որպէս Իսրայէլի մայրաքաղաք ճանչնալու ԱՄՆ-ի` սպասուելիք որոշումին:

Վերջինս սպառնացած էր, որ ԱՄՆ-ի նախագահ Տանըլտ Թրամփի կողմէ նման որոշման պարագային իրենք շատ խիստ պատասխան պիտի տան, ընդհուպ մինչեւ Իսրայէլի հետ դիւանագիտական յարաբերութիւններու խզումը:

Էրտողան յայտարարած էր, որ Երուսաղէմ (Պաղեստինի արաբները կը համարեն իրենց ստեղծուելիք պետութեան մայրաքաղաքը-EH.) իսլամներու  «կարմիր գիծ»ն է:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...