News

28
Feb

Սումգայիթեան Յանցագործութիւնը Վաղեմութեան Ժամկէտ Չունի. Նախագահ Սարգսեան Յարգած Է Ողբերգութեան Զոհերուն Յիշատակը

Նախագահ Արմէն Սարգսեան այսօր այցելած է Ծիծեռնակաբերդի բարձունք` ոգեկոչելու Սումգայիթի ողբերգական դէպքերու անմեղ զոհերուն յիշատակը: Նախագահը ծաղկեպսակ դրած է զոհերուն յիշատակը յաւերժացնող խաչքարին մօտ:

«Այսօր համայն հայութեամբ կը յիշենք 1988 թուականի Փետրուար 27-28-ի ոճրագործութիւնները: Ի պատասխան Արցախի հայ բնակչութեան խաղաղ ցոյցերուն, որոնք կ՛իրականացնէին ինքնորոշման իրենց իրաւունքը, Խորհրդային Ատրպէյճանի Սումգայիթ քաղաքին մէջ զանգուածային արիւնոտ հաշուեյարդար կազմակերպուեցաւ հայերու դէմ:

«Ազգային թշնամանքի հողի վրայ մեր հարիւրաւոր հայրենակիցներ սպաննուեցան, միւսները ենթարկուեցան դաժան բռնութիւններու ու վայրագութիւններու, բռնի տեղահանուեցան իրենց բնակավայրէն»,-նշած է նախագահ Սարգսեան` աւելցնելով. «Սումգայիթեան յանցագործութիւնը վաղեմութեան ժամկէտ չունի, եւ մենք պէտք է ամէն ինչ ընենք, որ այդ ահաւոր յանցագործութիւնը խստօրէն դատապարտուի միջազգային հանրութեան կողմէ, արժանանայ ճանաչման ու ճիշդ գնահատականի»:

Հանրապետութեան նախագահը Ծիծեռնակաբերդի յուշահամալիրին մէջ անմար կրակի մօտ յարգանքի տուրք մատուցած է նաեւ 1915-ի Հայոց Ցեղասպանութեան զոհերուն յիշատակին:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...