News

03
Apr

Սուրիահայ Գործարարներու Հիմնած Դեղագործական Արտադրութիւնը Թոյլ Պիտի Տայ 30-40 Տոկոսով Նուազեցնել Դեղորայքի Գիները

1Կոտայքի մարզի Ջրվէժ գիւղին մէջ Ապրիլ 1-ին բացուած է «Թուֆենքչի գրուպ» դեղագործական արտադրանքի գործարանը, որ հիմնադրուած է սուրիահայ գործարարներուն կողմէ: «Արմէնփրէս»-ի հաղորդմամբ` բացման արարողութեան ներկայ գտնուած են ՀՀ առողջապահութեան նախարար Լեւոն Ալթունեան, ՀՀ տնտեսական զարգացման եւ ներդրումներու նախարար Սուրէն Կարայեան եւ ՀՀ սփիւռքի նախարար Հրանոյշ Յակոբեան: Լրագրողներուն հետ ճեպազրոյցին  Առողջապահութեան նախարար Լեւոն Ալթունեան նշած է, գործարանին մէջ պիտի արտադրուին այն դեղաﬕջոցները, որոնք պահանջարկ ունին ներքին շուկային մէջ:

«Արտադրութեան սպառման պարագային ատիկա հնարաւորութիւն պիտի տայ մինչեւ 30-40 տոկոսով շուկայի մէջ դեղորայքի գիները նուազեցնել»,- ըսած է Ալթունեան: Անոր խօսքով` նման տեսակի գործարան դեռեւս չէ եղած Հայաստանի մէջ: «Ի հարկէ, ունինք դեղագործական արտադրութիւններ, որոնք կը զբաղին այլ գործառոյթներով, սակայն փաթեթաւորման այսպիսի արտադրութիւն դեռ չէ եղած: Յուսով եմ, որ նման արտադրութիւնները կը զարգանան»,- նշած է նախարարը:

«Թուֆենքչի» ընկերութեան նպատակն է թողարկել բարձրորակ դեղագործական արտադրանք, մասնաւորապէս` ցաւազրկողներ, հակաբորբոթային դեղեր, սննդային յաւելուﬓեր, վիթաﬕններ, հակաշաքարախտի դեղեր եւ այլն: Տնտեսական զարգացման եւ ներդրումերու նախարար Սուրէն Կարայեանի կարեւոր համարած է այն հանգամանքը, որ գործարանը հիմնուած է սուրիահայերուն կողմէ: «Նման նախաձեռնութիւնները նախարարութեան համար շատ ողջունելի են եւ ուրախալի: Մենք պատրաստ ենք սփիւռքի ﬔր բոլոր հայրենակիցներու կողքին ըլլալ, որպէսզի նման նախաձեռնութիւնները աւելի յաճախակի ըլլան եւ անոնց համար Հայաստանի մէջ գործունէութիւն ծաւալելը ըլլայ աւելի գրաւիչ եւ ուրախալի»,- ընդգծած է Կարայեան: Նախարարին կարծիքով` նման գործարաններու բացումը կ’ընդլայնէ դեղագործական ոլորտի արտադրութիւնը:

«Թուֆենքչի գրուպ» գործարանի գործադիր տնօրէն Քառլօ Գասպարը նշած է, որ 2017 թուականին «Թուֆենքչի» ընկերութիւնը կը նախատեսէ արտադրել 350-400 հազար ԱՄՆ տոլարի արտադրանք, ստեղծել 25-30 աշխատատեղ:

«Յետագային կը նախատեսուի ընդլայնել արտադրութիւնը, որուն արդիւնքով կը ստեղծուի եւս 50-60 աշխատատեղ: Տնտեսական զարգացման եւ ներդրուﬓերու նախարարին հետ սերտ համագործակցութիւն  ծաւալած ենք: Նախարարութիւնը ցոյց տուած է մեզի ամենակարճ եւ դիւրին ճանապարհը, որպէսզի կարենանք արագացնել գործարանի շահագործման գործընթացքը»,-ընդգծած է  գործադիր տնօրէնը:

Ըստ անոր` ընկերութիւնը կը նախատեսէ իր արտադրանքը արտահանել Սուրիա, Լիբանան, Յորդանան, Լիպիա, Ալժիր, Եմէն եւ այլն:

Սփիւռքի նախարար Հրանոյշ Յակոբեանի դիտարկմամբ` նման նախաձեռնութիւնները կը խթանեն միւս սուրիահայերուն Հայաստանի մէջ գործունէութիւն ծաւալելու: «Շատ հաճելի է, որ սուրիահայերը կան բոլոր ոլորտներու մէջ, եւ այսօր նման ձեռնարկութիւն մը կը մեկնարկէ: Սա նաեւ յոյս եւ վստահութիւն է բոլոր այն սուրիահայերուն համար, որոնք դեռ կը տատամսին` մնա”լ հայրենիքի մէջ, թէ՝ ոչ: Սուրիահայերու ներուժը շատ մեծ է, անոնք բոլորն ալ ստեղծագործ, արարող եւ աշխատող նուիրեալ մարդիկ են»,- եզրափակած է նախարարը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...