News

09
Nov

Սուրիոյ Մէջ Աւելի Քան 6 Միլիոն Փախստականներ Կան. ՄԱԿ

Սուրիոյ մէջ տակաւին 6,2 միլիոն փախստականներ կան այն 5,5 միլիոն մարդոցմէ զատ, որոնք լքած են երկիրը բազմամեայ հակամարտութեան պատճառով: Այդ մասին, ինչպէս կը տեղեկացնԷ «Արմենփրես»-ը, ՌԻԱ Նովոսթիին յայտնած Է Ամին Աուատ` ՄԱԿ-ի փախստականներու գործերու գերագոյն կոմիսարի վարչութեան Մերձաւոր Արեւելքի եւ Հիւսիսային Ափրիկէի գծով բիւրոյի տնօրէնը:

«ՄԱԿ-ի գնահատումներուն համաձայն` խօսքը 6,2 միլիոն փախստականներու մասին է: Սուրիոյ կառավարութիւնը այդ թիւը կը գնահատէ երեք միլիոն, պնդելով, որ անոնցմէ շատերը տուն վերադարձած են: Սուրիոյ սահմաններէն դուրս կը գտնուի 5,5 միլիոն մարդ»,- Նոյեմբեր 8-ին Ուաշինկթընի մէջ յայտարարած է Աուատ` ելոյթ ունենալով Մերձաւոր Արեւելքի խնդիրներուն նուիրուած խորհրդաժողովի ընթացքին:

Ան նշած է, որ Սուրիոյ մէջ փախստականները «կը տառապին նոյնքան, որքան անոնք, որոնք կը գտնուին անոր սահմաններէն դուրս»:

Աուատի խօսքով` փախստականներուն մէջ իրականացուած հարցախոյզները ցոյց տուած են, որ անոնց 82 տոկոսը պատրաստ է տուն վերադառնալու:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...