News

06
Apr

Սպանիոյ Մէջ Պիտի Ցուցադրուի Պասք Բեմադրիչին Հայերու Եւ Հայոց Ցեղասպանութեան Մասին Ֆիլմը

Telas-en-las-ramas-Juanmi GutiérrezՊասք բեմադրիչ  Խուանմի Կութիերեսի (Juanmi Gutiérrez) «Լաթեր ճիւղի վրայ» (Telas en las ramas) վաւերագրական ֆիլմը չորրորդ տեղը գրաւած է Սան Սեպասթիանի (Սպանիա) փառատօնին: Ապրիլ 6-ին, անիկա առաջին անգամ կը ներկայացուի 40 հազարնոց լսարանի դատին: Ֆիլմը կրնան դիտել ուսանողները, դասախօսները, Ալիքանթէի պետական համալսարանի փրոֆէսորները:

«Հայաստանի մասին ֆիլմ նկարահանելու գաղափարը ծնած է այն ժամանակ, երբ Խուանմին այցելած է Հայաստան: Անոր հիացուցած է հայերու պատմութիւնը, կենցաղը, բնութիւնը եւ որոշած է այդ մասին պատմել նաեւ ուրիշներուն»,-ըսած է Ալիքանթէի բնակիչ Յասմիկ Քոչարեան, որ նկարահանուած է ֆիլմին մէջ, կը յայտնէ «Sputnik Արմէնիա»-ն:

89 վայրկեաննոց ֆիլմին մէջ կը ներկայացուին Հայաստանի եւ այլ երկիրներու մէջ բնակող հայերը: Անոնք պատմութիւններ կը ներկայացնեն իրենց հարազատներուն մասին, որոնք հրաշքով փրկուած են Օսմանեան կայսրութեան մէջ իրականացուած զանգուածային ոճրագործութենէն:

Բեմադրիչը կը պատմէ նաեւ հայերէն աստուածաշունչի մասին, որ գտնուած է Պասքերու Երկրի եկեղեցիներէն մէկուն մէջ: «Խուանմին միշտ կը հետաքրքրուէր Հայաստանի պատմութեան մասին: Ի դէպ, պասքերու խորհրդարանը Սպանիոյ մէջ առաջին էր, որ 2007-ին ճանչցաւ Հայոց ցեղասպանութիւնը: 2008-ին Ալիքանթէի մէջ տեղադրուեցաւ առաջին խաչքարը»,- ըսած է Քոչարեան:

Ֆիլմի անուանումը պատահական չէ ընտրուած. լաթերը կը խորհրդանշեն աշխարհասփիւռ հայութիւնը, իսկ ճիւղը (ողբերգական պատմութիւնը), որ կը միաւորէ զանոնք:

Ֆիլմը նկարահանուած է 2015-2016 թուականներուն, իսկ նկարահանումները իրականացուած են Սպանիոյ (Մատրիտ, Պարսելոնա, Ալիքանթէ) եւ Հայաստանի (Գառնի, Գեղարդ, Օշական, Երեւան) մէջ: Ֆիլմին մէջ նկարահանուած է նաեւ լիբանանահայ յայտնի ջութակահար Արա Մելիքեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...