News

28
Feb

Ստեփանակերտի Մէջ Յարգած են Սումգայիթեան Զոհերու Յիշատակը (լուսանկարներ)

DSC_5423Այսօր առաւօտ հարիւրաւոր մարդիկ քալեցին դէպի Ստեփանակերտի քաղաքային յուշահամալիր` իրենց յարգանքի եւ յիշատակի տուրքը մատուցելու 30 տարի առաջ Սումգայիթ քաղաքին մէջ ազերիներու կողմէ իրականացուած ոճրագործութեան հետեւանքով զոհուած անմեղ զոհերու յիշատակին:

Հայ առաքելական եկեղեցւոյ Արցախի թեմի առաջնորդ Պարգեւ արքեպիսկոպոս Մարտիրոսեանի հանդիսապետութեամբ տեղի ունեցած է հոգեհանգստեան արարողութիւն:

Յուշահամալիր այցելած է նաեւ Արցախի Հանրապետութեան նախագահ Բակօ Սահակեանի գլխաւորած շքախումբը, որու կազմին մէջ էին Ազգային Ժողովի նախագահ Աշոտ Ղուլեան, պետական նախարար Արայիկ Յարութիւնեան, բաձրաստիճան պետական այրեր, զինուորականներ եւ այլք:

DSC_5283

Սգոյ արարողութեան մասնակիցները եկած էին սումգայիթեան ոճրագործութիւնը դատապարտող պաստառներով, որոնց վրայ նշուած էին «Սումգայիթում կատարուածը Ցեղասպանութիւն է, իսկ կատարողները` միջազգային յանցագործներ», «Վերջ ատրպէյճանական ագրեսիային» եւ այլ  կարգախօսներ:

DSC_5396

Ըստ «Արցախփրես»-ի՝  Արցախի մշակոյթի, երիտասարդութեան հարցերու եւ զբօսաշրջութեան նախարար Սերգէյ Շահվերդեան, որ 1988-ին Ստեփանակերտի քաղաքային յուշահամալիրի մէջ սումգայիթեան անմեղ զոհերու յիշատակին կանգնեցուած յուշաքարի տեղադրման նախաձեռնողներէն է, վերյիշելով 30 տարի առաջ տեղի ունեցած ոճրագործութիւնները, ըսած է, որ իրենք միայն Մարտ 2-ին յստակ իմացած են կատարուածին մասին, եւ որ ատոնք հայերու նկատմամբ իսկական ցեղասպանութիւն եղած են:

Ս. Շահվերդեանի խօսքով` երբ Սումգայիթէն մարդիկ տեղափոխուած են Արցախ, նոր միայն կատարուածի ողջ իսկութիւնը պարզ դարձած է հանրութեան:

Խօսելով սումգայիթեան անմեղ զոհերու յիշատակին Ստեփանակերտի մէջ կանգնեցուած յուշաքարի մասին` ան նաեւ ըսած է, որ անիկա կառուցուած է սումգայիթեան եղեռնագործութեան 40-րդ օրը:

«Յուշակոթողի տեղադրումը կ՛իրականացուէր ծանր ու բարդ պայմաններու մէջ, քանի որ խորհրդային  զօրքը շրջապատած  էր եւ չէր ձգեր, որ անիկա տեղադրուի: Բայց տեղադրուեցաւ, որմէ ետք արցախահայութեան մասնակցութեամբ տեղի ունեցաւ այդ ոճրագործութիւնը դատապարտող մեծ հանրահաւաք:

«Սումգայիթը առաջին դէպքն է, որ արցախցիներուն բերաւ այն հետեւութեան, թէ պայքարը խաղաղ ճանապարհով պիտի չլուծուի»,-նշած է Շահվերդեան:

Նշենք, որ  սումգայիթեան  ոճրագործութեան 30-րդ  տարելիցին  նուիրուած` յիշատակի  ձեռնարկներ կազմակերպուած են  նաեւ  Արցախի  բոլոր   շրջաններու մէջ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...