News

04
Oct

Ստեփանակերտի Մէջ Տեղի Ունեցաւ «Գութան» Ազգագրական Երգի-պարի Փառատօնը

73676Այսօր Ստեփանակերտի Վերածնունդի հրապարակին վրայ տեղի ունեցաւ «Գութան» ազգագրական երգի-պարի փառատօնը:

«Արցախփրես»-ի թղթակիցին «Գութան» ազգագրական երգի-պարի փառատօնի պատասխանատու, ժողովրդական երգիչ Արսէն Գրիգորեան (Մրօ) ըսած  է, որ արցախցին  կը սիրէ այն երգն ու պարը, որ  կապուած  է  հայու   ինքնութեան  եւ   արմատներուն  հետ:

««Գութան» ազգագրական երգի-պարի փառատօնին կը մասնակցի շուրջ 200 հոգի: Անիկա կարեւոր առաքելութիւն ունի` հայութեան մէջ տարածել ազգային երգն ու պարը: Մենք Արցախ բերած ենք այն մշակոյթը, որ կը ներկայացնէ ամբողջական  Հայաստանը`   սկսած  Կիլիկեան  Հայաստանէն մինչեւ Արցախ աշխարհ, Լոռիէն մինչեւ Սիւնիք: Բեմի վրայ հայկական երգով ու պարով պիտի պատկերենք Հայաստանի ամբողջական քարտէսը: Իւրաքանչիւր խումբ շատ հարուստ ծրագիր կը ներկայացնէ: «Մենք ուղղակի գեղագիտական հաճոյք պատճառելու մասին չենք մտածեր. մեզի համար շատ կարեւոր է մատուցել մեր ինքնութեան, ազգային պատկանելիութեան հետ կապուած երաժշտութիւնը: Այս տարի մենք մեր փառատօնի ձեւաչափը փոխած ենք` համերգային  ծրագիրով հանդէս գալով նաեւ  քարվաճառի, Բերձորի, Մատաղիսի, Մարտակերտի, Հադրութի, Ասկերանի, Ճարտարի մէջ` այդ կերպով փորձելու համար մեր հայրենակիցներուն հաղորդակից դարձնելու համար ազգային երգ ու պարին,-ըսած է Ա.Գրիգորեան եւ աւելցուցած,- Արցախի մէջ փառատօնի իրականացման աջակցած է «Գագիկ Ծառուկեան» բարեգործական հիմնադրամը»:

Արցախի մշակոյթի, երիտասարդութեան հարցերու եւ զբօսաշրջութեան նախարար Սերկէյ Շահվերդեան ընդգծած է, որ ինք  կարեւոր կը համարէ   «Գութան» ազգագրական երգի-պարի փառատօնի իրականացումը:

«Հակառակ անձրեւային եղանակին, մարդիկ կը հաւաքուին հրապարակի վրայ: Սա ապացոյց է, որ հանրութեան մէջ փառատօնը մեծ պահանջարկ ունի: Մենք կ՛ողջունենք որեւէ  բարեգործական ձեռնարկ` ուղղուած հայկական մշակոյթի զարգացման»,- նշած  է  Ս.  Շահվերդեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...