News

26
Mar

Վարակուած եւ Բուժում Չստացող Անձիք Հիւանդանոցներէն Պիտի Տեղափոխուին Հիւրանոցներ

ՀՀ կառավարութիւնը
հիւանդանոցային հզօրութիւնները ճիշդ կառավարելու խնդիր ունի եւ այսօր հիւանդանոցներու
մէջ կան վարակուածներ, որոնք ոեւէ բուժում չեն ստանար: Այդ մասին կառավարութեան նիստի
ժամանակ յայտարարեց վարչապետ Նիկոլ Փաշինեան` աւելցնելով, որ այդ հիւանդները պիտի տեղաւորուին
հիւրանոցներու մէջ:  

«Այդ հիւանդներու մօտ
ախտորոշուած է «Քորոնա» ժահր, բայց անոնց վիճակը թեթեւ է, որեւէ բուժում չեն ստանար:
Անոնց հիւանդանոց գտնուիլը արդարացուած չէ: Այսօր պարոն Աւինեանի եւ պարոն Թորոսեանի
մասնակցութեամբ ունեցանք քննարկում ու որոշեցինք, որ թեթեւ դէպքերուն, որոնք, ըստ էութեան,
մեծամասնութիւնն են, փորձենք աշխատիլ հիւրանոցներու հետ, որպէսզի տեղաւորենք զանոնք
հիւրանոցներու մէջ` ապահովելով սնունդն ու այլ կարիքները: Պիտի շարունակենք այս քաղաքականութիւնը:
Սա նաեւ օգտակար է տնտեսութեան առումով, քանի որ հիւրանոցները այսօր դատարկ են: Այստեղ
ի հարկէ, որոշ բարդոյթներ պիտի ըլլան, հիւրանոցները կը վախնան իրենց անունի յետագայ
մրցունակութեան հետ կապուած, բայց հիւրանոցները պարտաւոր են ժամանակ առ ժամանակ ախտահանել
իրենց սենեակները: Հիմա ալ կրնան բազմաթիւ դէպքեր ըլlալ, որ տարբեր հիւանդութիւններով
մարդիկ այդ հիւրանոցներու մէջ կը բնակին: «Քորոնա» ժահրէն ետք ալ այդ սենեակներու հետ
ոչ մէկ վատ բան կը պատահի, առաւել եւս եթէ յետոյ ախտահանուին,- «Արմենփրես»-ի փոխանցմամբ,
ըսած է վարչապետը:

Առողջապահութեան նախարար
Արսէն Թորոսեան իր հերթին նշեց, որ այդ ցուցումները յստակ պիտի տրուին եւ այսօր ալ
կ՛ախտահանուին այն 7 վայրերը, ուր կան մեկուսացած մարդիկ:

Վարչապետը յանձնարարեց
պատասխանատուներուն բանակցիլ հիւրանոցներու հետ, որ այնպիսի գին սահմանուի, որը շուկայական
չի կրնար ըլլալ: Նիկոլ Փաշինեան նկատել տուաւ, որ արտակարգ դրութեան պայմաններու մէջ
ունին հնարաւորութիւն վարչական որոշումով հարցը լուծել, բայց այդ ճանապարհով չեն երթար:
«Պիտի բանակցինք հիւրանոցներու հետ, որոշակի գին պիտի պայմանաւորուինք»,- ըսած է ան: 

Հայաստանի մէջ «Քորոնա»
ժահրով հաստատուած 290 դէպք կայ: 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...