News

22
May

Վաքըֆի Մէջ Կառուցուած Մուսալեռ Թանգարանը Հնարաւոր է Յունիսէն Բացուի Այցելութեան Համար

Թուրքիոյ իշխող
Արդարութիւն եւ զարգացում կուսակցութեան պատգամաւոր Հիւսէին Եայման այցելեած է երկրի միակ ու վերջին հայկական գիւղը
համարուող Վաքըֆ, որ կը գտնուի այսօրուան Թուրքիոյ Հաթայ
(Ալեքսանդրետ) նահանգի Սամանտաղ
գաւառին մէջ: Պատգամաւորը գտնուած է նաեւ Վաքըֆի մէջ կառուցուած
Մուսալեռ թանգարանին մէջ: Այդ մասին,
ըստ Akunq.net-ի, կը հաղորդէ
Medyahatay.com լրատուական կայքը:

Աղբիւրին համաձայն` թանգարան այցելած պատգամաւորը յայտնած է, որ եթէ «Քորոնա» համաճարակի հետ կապուած վիճակը բարելաւուի, ապա Մուսալեռ
թանգարանը այս տարուան Յունիսէն դռները պիտի բանայ այցելուներու առաջ:

Եայման նշած է․ «Թուրքիոյ վերջին հայկական գիւղին` Հաթայի Վաքըֆի մէջ, գտնուող Մուսալեռ թանգարանը պատրաստ է
այցելութեան համար: Սակայն «Քորոնա» համաճարակի հետեւանքով թանգարանի պաշտօնական բացումը տեղի պիտի ունենայ այս տարեվերջին կամ
2021 թուականին: Բայց եւ այնպէս, եթէ համավարակի հետ կապուած վիճակը կայունանայ, ապա
թանգարանը այցելուներու համար բաց պիտի ըլլայ արդէն
այս տարուան Յունիսէն»:

Թուրք պատգամաւորը նաեւ որոշ տեղեկութիւններ հաղորդած է թանգարանի
վերաբերեալ` մասնաւորապէս յայտնելով, որ բոլոր ցուցատախտակները պատրաստուած են թրքերէնով
ու հայերէնով:

Թարգմանեց Մելինէ Անումեանը

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...