News

21
Apr

Վենետիկի 2017-ի Միջազգային Ցուցահանդէսին Հայաստանը Պիտի Ներկայացնէ Երեք Արուեստագէտ

65372

Վենետիկի «Viva Arte Viva» արուեստի միջազգային 2017-ի ցուցահանդէսին (Մայիս 13 – Նոյեմբեր 26) Հայաստանը պիտի ներկայացնեն արուեստագէտներ Ռաֆայէլ Մէկալը, Ժան Պօղոսեանը եւ Միրօ Պերսօլեան:

ՀՀ մշակոյթի նախարարութեան տեղեկութիւններով՝ Ռաֆայէլ Մէկալը պիտի ներկայանայ «Յովազները իմ ծաղկած այգիին մէջ» ցուցադրութեամբ: Մէկալի արուեստը ազգային զարդանախշերու եւ հայ մշակոյթին բնորոշ տարրերու նորովի մօտեցմամբ կը պատկերէ մարդու եւ բնութեան փոխյարաբերութիւնները: 2013-ին «Մարութայ սար» մեծածաւալ ստեղծագործութեան համար ան արժանացած է Ֆլորենսիայի ցուցահանդէսի «Լորենցօ Մետիչի» արծաթէ մետալին եւ ՀՀ վաստակաւոր նկարիչի կոչման:

Պրիւքսէլ բնակող լիբանանահայ քանդակագործ եւ նկարիչ Ժան Պօղոսեան պիտի ներկայացնէ «Անշէջ կրակ» կոչուող ցուցադրութիւնը: Անիկա կը խորհրդանշէ զօտալամբին կրակը, որ Ժան Պօղոսեան կ՝օգտագործէ իբրեւ «Հրէ վրձին»` իր անշէջ գործերը կերտելու համար: Ան բազմաթիւ անհատական ցուցահանդէսներ ունեցած է աշխարհի լաւագոյն պատկերասրահներուն մէջ (Պրիւքսէլ, Ապու Տապի, Պէյրութ):

Հայկական տաղաւարի 3-րդ մասնակիցը իտալաբնակ սլովենացի Միրօ Պերսօլեան է: Անոր «Առանց սահմանի» ցուցադրութիւնը կարմիր եւ կապոյտ գոյներու համադրութեամբ կ՝ընդգծէ արուեստի սահմաններ չունենալը:

Ցուցահանդէսին Հայաստանի ազգային տաղաւարի յանձնակատարը ՀՀ մշակոյթի նախարարութիւնն է, ի դէմս Սուետլանա Սահակեանի:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...