News

13
Feb

Վիքթոր Համբարձումեանի Անուան Միջազգային Գիտական Մրցանակը Յանձնուեցաւ

Հայաստան, շարունակելով կարեւորել գիտութեան զարգացումը, անուանի ակադեմիկոս Վիքթոր Համբարձումեանի անուան 2018-ի միջազգային մրցանակները յանձնեց գիտնականներու խումբին:

«Արմենփրես»-ի հաղորդմամբ` Հայաստանի մէջ Փետրուար 13-ին ՀՀ վարչապետ Նիկոլ Փաշինեան մրցանակները շնորհեց Ամսթերտամի համալսարանի Անտոն Փանեքուքի անուան աստղագիտութան հիմնարկի փրոֆէսոր Էդուարդ Վան տէն Հոյուելին, Ռուսիոյ Գիտութիւններու ակադեմիայ աստղագիտութեան հիմնարկի փրոֆէսոր Ալեքսանդր Թութուքովին եւ նոյն հիմնարկի փրոֆէսոր Լեւ Եունկելսոնին:

«Մենք լիովին կը գիտակցինք մրցանակի հեղինակութեան կարեւորութիւնը․․․ Որքան փառապանծ գիտնականներ կը շահին մրցանակը, այնքան կ՛աճի անոր նկատմամբ վստահութիւնն ու միջազգային հեղինակութիւնը․․․»։ Ան նաեւ նշեց, որ դեռ շատ ընելիքներ կան մեր երկրին մէջ գիտնականի արդիւնաւէտ աշխատանքն ու արժանավայել կեանքը ապահովելու ուղղութեամբ, գիտական հիմնարկները ժամանակակից սարքաւորումներով յագեցնելու ուղղութեամբ:

«Ակադեմիկոս Վիքթոր Համբարձումեանի անուան միջազգային գիտական մրցանակ»-ը կը տրուի  աշխարհի յայտնի գիտնականներու աստղագիտութեան եւ անոր յարակից բնագիտութեան, ուսողութեան մարզերու մէջ ստացած կարեւորագոյն գիտական արդիւնքներու համար երկու տարին մէկ անգամ: Գիտական մրցանակի միջազգային յանձնաժողովի նախագահ, ՀՀ Գիտութիւններու ազգային ակադեմիայի նախագահ Ռադիկ Մարտիրոսեան ներկայացուց, որ մինչ 2018-ի Ապրիլին ստացած են 14 տարբեր առաջարկ-ներկայացում գիտութիւններու ակադեմիաներէ եւ այլ խոշոր գիտական կեդրոններէ: Յանձնաժողովը որոշած է մրցանակը շնորհել խումբին, որ առաջադրուած է Ամսթերտամի համալսարանի Անթոն Փանեքուքի անուան աստղագիտութեան հիմնարկի եւ միաժամանակ Մոսկուայի ՌԴ ԳԱ աստղագիտութեան հիմնարկին կողմէ “For their pioneering studies of massive binary stars, in particular the formation of relativistic binaries and gravitational-wave sources” ուսումնասիրութեան համար։

Մրցանակակիր  Էդուարդ Վան Դէն Հոյուէլ նշած է` իրեն համար մեծ պատիւ է ստանալ աշխարհահռչակ աստղագէտ եւ նախկին Խորհրդային Միութեան ամենայայտնի աստղագէտ Վիքթոր Համբարձումեանի անունը կրող մրցանակը: «Ինչպէս իմ հայրենիքը` Հոլանտան, Հայաստանը եւս փոքր երկիր է: Սակայն աստղագիտութեան մէջ Հայաստանը երբեք ալ փոքր չէ: Հայաստանը տուած է բազմաթիւ աշխարհահռչակ գիտնականներ, որոնք կ՛աշխատին աշխարհի շատ երկիրներու մէջ, մասնաւորապէս Գերմանիոյ, Սպանիոյ, Միացեալ Նահանգներու, եւ անշուշտ, Հայաստանի մէջ»,-ըսած է ան ու շեշտած` աստղագիտութեան մէջ Հայաստանը յիրաւի մեծ երկիր է:

«Ակադեմիկոս Վիքթոր Համբարձումեանի անուան միջազգային գիտական մրցանակ»-ը կը տրուի 2010-էն սկսած: գիտական մրցանակի միջազգային յանձնաժողովի անդամներն են աշխարհի հանրայայտ գիտնականներ` Նոպելեան մրցանակակիր փրոֆէսոր Պրայեան Շմիտթը, փրոֆէսոր Երուանդ Թերզեանը, փրոֆէսոր Վահէ Պետրոսեանը եւ այլք: Մրցանակը կը կազմէ 300 000 տոլար, որմէ 200 000-ը տրուած է մրցանակակիրներուն, իսկ 100 000 տոլարը յաջորդող երկու տարիներուն պիտի օգտագործուի Հայաստանի մէջ աստղաբնագիտութեան, ինչպէս նաեւ ատոր յարակից բնագիտութեան եւ ուսողութեան բնագաւառներու յետագայ զարգացման համար:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...