News

13
Sep

Տեղի Ունեցաւ «Շուշի 48 Ժամ» Եռալեզու Պատկերագիրքի Շնորհանդէսը

72439

Սեպտեմբեր 11-ին Շուշիի կերպարուեստի պետական թանգարանին մէջ տեղի ունեցաւ «Շուշի 48 ժամ» եռալեզու պատկերագիրքի շնորհանդէսը:

 «Արցախփրես»-ի հաղորդմամբ` Համազգային հայ կրթական եւ մշակութային միութեան կեդրոնական վարչութեան անդամ Սպարտակ Ղարաբաղցեան ըսած է, որ գիրքը ստեղծուած է 2017-ի Յունիսին մեկնարկած Համազգայինի լուսանկարչական նախագիծի արդիւնքով, որը նուիրուած Շուշիի ազատագրման 25-ամեակին:

Նախաձեռնութեան նպատակն էր 48 ժամուան մէջ ցոյց տալ Շուշիի քաղաքային կեանքի բազմազանութիւնը երիտասարդ լուսանկարիչներու աչքերով:

«Շուշին մեր Երուսաղէմն է, ու ամէն հայ պարտաւոր է թէկուզ երկու օր` «48 ժամ» ապրիլ այնտեղ»,- ըսած է Ս. Ղարաբաղցեան եւ աւելցուցած, որ Շուշիի վերականգնումը մշակութային վերընձիւղման ամենամեծ վկայութիւնն է:

«Շուշի. 48 ժամ» նախագիծը իրականացուած է նաեւ վաւերագրող լուսանկարիչ, փաստագրական լուսանկարչութեան համար «Ֆիֆթի Քրոուզ» միջազգային ֆոնդի մրցանակակիր Գերման Աւագեանի հետ գործակցաբար:

Նախագիծին մասնակից լուսանկարիչներուն մէջ կային ինչպէս սկսնակներ, այնպէս ալ փորձառուներ Արցախէն, Հայաստանէն եւ Վրաստանէն:

Համազգային հայ կրթական եւ մշակութային միութեան խորհուրդի անդամ, լրագրող, մեկնաբան Միքայէլ Հաջեան, խօսելով «Շուշի․ 48 ժամ» ծրագրի մասին, նշած է, որ պատկերագիրքը ուխտագնացութիւն է դէպի հայոց սուրբ-սրբոց քաղաքներէն մէկը` Շուշի, ու բոլոր անոնց համար, որոնք տարիներ ետք պիտի տեղեկան, թէ 2017 թուականի Յունիս 30-ին եւ Յուլիս 1-ին 48 ժամուան ընթացքին ինչպիսին եղած է Շուշին:

Ծրագրին մասնակից լուսանկարիչ, Վրաստանի մշակոյթի նախարարի նախկին տեղակալ Եուրի Մեչիտովի խօսքով` Շուշին զարմանահրաշ քաղաք է, ուր ամէն օր նորովի բացայայտումներ կ՛ըլլան: «Պատկերագիրքին մէջ ներկայացուած լուսանկարները կատարուած են ազատ ոճով, եւ ամէն լուսանկարի համար կան մակագրութիւններ»,- աւելցուցած է Եուրի Մեչիտով:

Ձեռնարկի ընթացքին Համազգային հայ կրթական եւ մշակութային միութեան կողմէ պարգեւատրուած են լուսանկարիչներ Գերման Աւագեանը եւ Եուրի Մեչիտովը:

Շնորհանդէսին ներկայ էին Արցախի մշակոյթի եւ եիտասարդութեան հարցերու նախարարի պաշտօնակատար Նարինէ Աղաբալեան, արտաքին գործոց նախարարի պաշտօնակատար Կարէն Միրզոյեան, կրթութեան, գիտութեան եւ մարմնամարզութեան նախարարի պաշտօնակատար Սլաւայ Ասրեան, Արցախի Ազգային ժողովի փոխնախագահ Վահրամ Բալայեան, պատգամաւորներ, Շուշիի քաղաքապետ Արծուիկ Մինասեան եւ այլ հիւրեր։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...