News

29
Sep

Տեղի Ունեցաւ Սուրիոյ Արաբական Հանրապետութեան Ժողովրդական Ժողովի Պատգամաւոր Ժիրայր Րէիսեանի Գիրքի Շնորհանդէսը

1-29

Սեպտեմբեր 27-ին ՀՀ սփիւռքի նախարարութեան մէջ տեղի ունեցաւ Սուրիոյ Արաբական Հանրապետութեան Ժողովրդական ժողովի պատգամաւոր, Մեծի Տանն Կիլիկիոյ Կաթողիկոսութեան Բերիոյ Հայոց թեմի Ազգային առաջնորդարանի խօսնակ Ժիրայր Րէիսեանի «100 նուիրեալներ Ցեղասպանութեան օրերուն հայ ժողովուրդի օտարազգի բարեկամներէն» գիրքին շնորհանդէսը:

Ողջոյնի խօսքով հանդէս եկաւ ՀՀ սփիւռքի նախարար Հրանոյշ Յակոբեան: Ան նշեց. «Ժիրայր Րէիսեանի այս գիրքը մեծագոյն նուէր է հայ ժողովուրդին, քանի որ աշխատատութեան մէջ տեղ գտած են 100 մարդասէր եւ հայասէր օտարազգի անհատներու անուններ, որոնք Հայոց ցեղասպանութեան ժամանակ, անտեսելով ամէն վտանգ ու դժուարութիւն, ձգելով իրենց երկիրները՝ ձեռք մեկնեցին օսմանեան եաթաղանին զոհ գացող հայ ժողովուրդին: Րէիսեանի պապը նոյնպէս փրկուած է Հայոց ցեղասպանութենէն: Եւ այս կերպով նաեւ կը փորձէ իր երախտագիտութիւնը յայտնել հայ ժողովուրդի բարեկամ անհատներուն»:

Սփիւռքի նախարարը շնորհակալութիւն յայտնեց սուրիահայ համայնքին, որ անցնելով դժուարութիւններու ու պատերազմի մէջէն` չընկրկեցաւ, մնաց կանգուն: «Մեր հոգեւոր հայրերու եւ Սուրիոյ մէջ հայկական կառոյցներու ջանքերուն շնորհիւ է, որ համայնքը դիմակայեց դժուարութիւններուն: Մաղթենք անոնց առողջութիւն ու ամրութիւն», – նշեց նախարարը:

Գիրքի հրատարակումը արժեւորեց Մեծի Տանն Կիլիկիոյ կաթողիկոսութեան Բերիոյ Հայոց թեմի առաջնորդ Բարձրաշնորհ Տէր Շահան արք. Սարգիսեան: Ան նշեց, որ հակառակ սուրիական պատերազմին ու տագնապին` համայնքը մնաց տոկուն: Տէր Շահան արք. Սարգիսեան շնորհակալութիւն յայտնեց Սփիւռքի նախարարութեան` գիրքի տպագրական աշխատանքները նախաձեռնելու եւ շնորհանդէսը կազմակերպելու համար:

Այնուհետեւ ելոյթ ունեցաւ «100 նուիրեալներ Ցեղասպանութեան օրերուն հայ ժողովուրդի օտարազգի բարեկամներէն» գիրքին մէջ տեղ գտած անհատներէն մէկուն` Նորվեկացի միսիոներուհի Պոտիլ Քատարինէ Պէորնի թոռը` Եուսի Պեորնը: Ան շնորհակալութիւն յայտնեց Ժիրայր Րէիսեանին իր մեծմօր կատարած աշխատանքը եւ հայ ժողովուրդին նուիրումը չմոռնալու եւ 100 անհատներուն մէջ ներառելուն համար:

Բանաստեղծուհի Թամարա Յովհաննիսեան ներկաներուն ուշադրութիւնը հրաւիրեց այն փաստին, որ գիրքին մէջ ընդգրկուած բոլոր անհատներն ալ կրթուած ընտանիքներու զաւակներ են, եւ թէեւ 1915-ին միջազգային հանրութիւնը անտարբեր մնաց հայոց մեծագոյն աղէտին` մեկնելով տարբեր քաղաքական շահերէ, բայց առանձին մարդիկ զոհեցին բարեկեցիկ կեանքն ու անվտանգութիւնը եւ կանգնեցան մեր ժողովուրդի կողքին:

ՀՀ ԱԺ պատգամաւոր Արման Սաղաթելեան նշեց, որ Սուրիական պատերազմի առաջին իսկ օրերէն ըլլալով սուրիահայ համայնքին մէջ` մշտապէս զարմացած եւ հիացած է Րէիսեանի գործունէութեամբ: «Եւ զարմանալի չէ, որ Ժիրայր Րէիսեանի նման գործիչը պատերազմական իրավիճակի մէջ կրցած է գիրք գրել»,- ըսաւ ան:

Գիրքին վերաբերեալ իր դիտարկումները ներկայացուց ամերիկահայ գրող, հրապարակախօս Յովսէփ Նալպանտեան:

Հանդիպման աւարտին ելոյթ ունեցաւ գիրքին հեղինակը` Ժիրայր Րէիսեանը: Ան նշեց, որ աշխատութիւնը նուիրած է իր մեծ հօր` Մարուքէ Սինանեանի յիշատակին, որ փրկուելով թրքական եաթաղանէն` ի վերջոյ հաստատուած է Հալէպ եւ ինքզինք նուիրած որբախնամ ու ազգային հասարակական աշխատանքներուն:

Րէիսեան շնորհակալութիւն յայտնեց Սփիւռքի նախարարութեան եւ նախարար Հրանոյշ Յակոբեանին` գիրքի տպագրութիւնը նախաձեռնելու եւ քաջալերանքի համար: Հայազգի պատգամաւորը երախտիքի խօսք ըսաւ նաեւ Վերապատուելի Սերոբ Մկրտիչեանին` իր հետ գործակցելուն եւ աջակցութեան համար: «100 անուն ընդգրկող այս գիրքը գիտական աշխատանք դարձնելու յաւակնութիւն չեմ ունեցած: Այս գիրքով փորձած եմ հայ ժողովուրդին հնարաւորինս հանրամատչելի ներկայացնել հայասէր ու մարդասէր օտարազգի անհատները, որոնք օգնեցին Հայոց ցեղասպանութենէն մազապուրծ հայորդիները», – խօսքը եզրափակեց Ժիրայր Րէիսեան:

      

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...