News

01
Mar

Տէր Զօրի Սրբոց Նահատակաց Յուշահամալիր Այցելութիւն

28277138_1356083604493662_1746042882009749268_n

Բերիոյ Հայոց Թեմի Առաջնորդ Տ. Շահան Սրբ. Արք. Սարգիսեան, Ազգ. Վարչութեան եւ երեսփոխանական ժողովներու ներկայացուցիչներ՝ տիար Ժիրայր Րէիսեան, Կարօ Իւզպաշեան, Տարօն Մակարեան, Տ. Զարեհ Քհնյ. Շաքարեան եւ Հ1-ի ներկայացուցիչները, Չորեքշաբթի 28 Փետրուար 2018-ին, յատուկ առաքելութեամբ մեկնեցան ազատագրուած Տէր Զօր քաղաք, ուր պաշտօնական հանդիպում ունեցան նորընտիր նահանգապետին՝ Ապտ ալ Մաճիտ Քաուաքիպիի եւ շրջանի պատասխանատուներուն հետ, կը հաղորդէ “Գանձասար”-ը։

Առաջնորդ Սրբազան Հայրը յանուն սուրիահայ համայնքին շնորհաւորեց նահանգապետը իր ստանձնած կարեւոր եւ սրբազան ու դժուարին պաշտօնին համար։ Անդրադառնալով Տէր Զօրի ազատագրումին եւ հայութեան համար անոր իւրայատուկ նշանակութեան, Սրբազան Հայրը ըսաւ, որ Հայոց Ցեղասպանութեան օրերուն նոյն ոճրագործները փորձեցին հայութիւնը ոչնչացնել Տէր Զօրի մէջ, սակայն հզօր Տիրոջ օրհնութեամբ եւ Սուրիոյ ասպնջական ժողովուրդին շնորհիւ յարութիւն առինք։ Այս իմաստով Տէր Զօրը տոկունութեան եւ յարութեան, վերապրելու եւ վերականգնելու խորհրդանիշն է։

Նահանգապետը բարձրօրէն գնահատեց հայութեան կապուածութիւնը Սուրիական Հայրենիքին եւ ազնիւ դերակատարութիւնը Սուրիոյ ծաղկումին, իսկ յետպատերազմեան օրերուն վերականգնումին մէջ։
Պատուիրակութիւնը եւ պետական պաշտօնական ներկայացուցիչները այցելեցին ականուած եւ ամբողջութեամբ քանդուած Սրբոց Նահատակաց Յուշահամալիր, ուր կատարուեցաւ պաշտօնական ծաղկեմատոյց եւ հոգեհանգստեան յատուկ աղօթք Սուրիոյ եւ հայութեան բոլոր նահատակներուն համար։ Ապա ներկաները ուղղուեցան մեծ մզկիթ, ուր տեղւոյն հոգեւոր պատասխանատուն նահատակաց հոգւոյն համար աղօթք բարձրացուց առ Աստուած։

Այս առիթով խորհրդակցութիւն կատարուեցաւ միասնաբար որդեգրուելիք ծրագիրներուն եւ քայլերուն առնչութեամբ։

Պաշտօնական պատուիրակութիւնը վերանորոգ յանձնառութեամբ նոյն օրուան երեկոյեան վերադարձաւ Հալէպ։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...