News

26
Jan

Տիգրան Մանսուրեանի 80-ամեակը Լոս Անճելըսի Մէջ Պիտի Նշուի Համերգով

Լոս Անճելըսի մէջ պիտի նշուի հայ արդի դասական երաժշտութեան ռահվիրայ, ՀՀ արուեստի վաստակաւոր գործիչ, ՀՀ ժողովրդական արտիստ, երաշժտահան Տիգրան Մանսուրեանի ծննդեան 80-ամեակը: Յոբելինական տարեդարձին առիթով, «Դիլիջան» սենեկային երաժշտութեան համերգաշարը Յունուար 27-ին կազմակերպած է «Վարպետ» խորագիրով համերգային ձեռնարկ՝ ներկայացնելու աշխարհահռչակ մեր հայրենակիցին ստեղծագործութիւնները: Համերգը տեղի պիտի ունենայ Լոս Անճելըսի «Զիփր» համերգասրահին մէջ:

«Դիլիջան»-ի գեղարուեստական ղեկավար Մովսէս Պօղոսեանի տեղեկութիւններով՝ ծրագիրը կը ներառէ Մանսուրեանի տարբեր շրջաններու գործերը: «Համերգը պիտի սկսի Մանսուրեանի՝ «Արս Պոէթիքա» երգչախումբի համար գրուած գլուխ գործոցով, որ երգահանի իւրատեսակ յարգանքի տուրքն է իր ամենասիրելի հայ բանաստեղծներէն մէկուն՝ Եղիշէ Չարենցին: Ներառուած են նաեւ Մանսուրեանի կամերային երաժշտութեան երեք լաւագոյն գործերէն՝ «Երեք միջնադարեան տաղ ջութակի եւ հարուածային գործիքներու համար», «Ագնուս դէի»-ն եւ «Լարային քառեակ համար 3» ստեղծագործութիւնը, որ ստեղծուած է 1993-ին՝ Հայաստանի համար ծանր ժամանակաշրջանի մը: Դիլիջան համերգաշարի եւ «Լարք» երաժշտական ընկերակցութեան երաժիշտներէն բացի, համերգին պիտի մասնակցին նաեւ հրաւիրուած յայտնի այլ երաժիշտներ, ինչպէս՝ «Գրեմի»-ի մրցանակակիր, ալթահար Քիմ Քաշքաշեանը, որուն համար Մանսուրեանը գրած է բազմաթիւ ստեղծագործութիւններ, հանրածանօթ դաշնակահար Սթիվըն Վանհաուըրտը Պելճիքայէն, թաւջութակահար Մայքլ Քաուֆմանը, տաղանդաւոր քլարինեթիսթ, Լոս Անճելըսի Ֆիլհարմոնիկ նուագախումբի անդամ  Պորիս Ալահւերտեանը»,- յայտնած է Մովսէս Պօղոսեան:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...