News

14
Feb

Տինքի Գործով Երկու Կասկածեալներ Ազատ Արձակուած Են

dava dink

Թուրքիոյ հայկական «Ակօս» թերթի գլխաւոր խմբագիր Հրանդ Տինքի սպանութեան գործով երկու կասկածեալներ ազատ արձակուած են: «Ակօս»-ի տեղեկացմամբ` Տինքի գործով զբաղող Պոլսոյ ծանր յանցագործութիւններու 14-րդ դատարանը քննութեան առած է կասկածեալներ Օքան Շիմշեքի եւ Վէյսել Շահինի բողոքը: Վերջիններս կալանքի տակ կը գտնուէին, սակայն դատարանը բաւարարած է անոնց բողոքը եւ ազատ արձակած, կը հաղորդէ “Էրմէնիհապեր”-ը:

Դատական վիճռին մէջ որպէս հիմնաւորում նշուած է, որ Շիմշեքն ու Շահինը իրենց պարտականութիւններու ծիրէն ներս իրենց ստացած տեղեկութիւնները առանց ուշացնելու հաղորդած են վերադասներուն, չեն օգտուած «Bylock» բջիջային յաւելուածէն: Դատարանը ընդգծած է, որ կալանաւորումը այս երկու կասկածեալներու համար եղած է միայն որպէս խափանման միջոց, բացի այդ, հնարաւոր է, որ փոխուի անոնց առաջադրուած մեղադրանքի բնոյթը:

Միեւնոյն ժամանակ, դատարանը Շահինին եւ Շիմշեքին արգիլած է երկրէն հեռանալ եւ անոնց նկատմամբ դատական վերահսկողութիւն սահմանած է:

Օքան Շիմշեքը եւ Վեյսել Շահինը Հրանդ Տինքի սպանութենէն առաջ եղած են Տրապիզոնի ուստիկանութեան հետախուզական բաժնի աշխատակիցներ եւ Ճոշքուն Իղիջիէն տեղեկացած են, որ կը նախապատրաստուի Տինքի սպանութիւնը: Դատարանին մէջ ցուցմունք տուած ատեն անոնք նշած են, որ այդ տեղեկութիւնը ժամանակին հաղորդած են հետախուզական բաժնի ղեկավարութեան, սակայն որեւէ գործողութիւն ձեռնարկելու հրահանգ չեն ստացած:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...