News

12
Apr

«Տխրունի»-ի Հրաւէրով` Լիբանանահայութիւնը Վերահաստատեց Արցախի Հերոսներուն Ուղիով Շարունակելու Ուխտը

dhrouni

Ապրիլ 9-ին սովորական շաբաթ օրեայ երեկոյ չէր Պէյրութի Նոր Հաճըն թաղամասին մէջ: Լիբանանահայերու հոծ բազմութիւն մը, ընդառաջելով Ս.Դ.Հ.Կ. «Տխրունի» Ուսանողական Երիտասարդական Միութեան վարչու թեան կոչին, ժամանած էր իր անվերա պահ զօրակցութիւնը յայտնելու Արցախի ժողովուրդին, բանակին եւ ղեկա վարութեան, դատապարտելով ատրպէյճանական յարձակումները, իր ձայնը բարձրացնելու միջազգային ան տար բեր մօտեցումին դէմ եւ պատրասակամութիւն յայտնելու անհրաժեշտու թեան պարագային օժանդակելուԱրցախին: Այս մասին կը հաղորդէ Լիբանանի «Արարատ» օրաթերթը։

Պաշտօնական հանդիսութեան նախորդեց հոգեհանգստեան արարողու թիւնը` ի յիշատակ զոհուածներուն, զոր կատարեցին Նոր Հաճնոյ Սուրբ Գէորգ եկեղեցւոյ հոգեւոր հովիւ Տէր Նարեկ Քահանայ Հեճինեանը եւ Ռմէյլի Սուրբ Յարութիւն եկեղեցւոյ հոգեւոր հովիւ Տէր Ղեւոնդ Քահանայ Լոշխաճեանը: Նաեւ տեղի ունեցաւ մոմավառութիւն, որուն ծիրին մէջ ներկաները առիթը ու նեցան աղօթելու զոհուած զինուորնե րու եւ քաղաքացիներու յիշատակին:

Հայաստանի, Արցախի եւ Լիբանանի դրօշներուն, նաեւ նահատակ զինուոր ներու եւ մարտնչող մարտիկներու լուսանկարներուն ներքեւ տեղի ունեցաւ պաշտօնական հանդիսութիւնը, զոր գլխաւորեցին Պէյրութի մօտ Հայաստանի Հանրապետութեան նորանշանակ դեսպան Տիար Սամուէլ Մկրտչեանը, Ս.Դ.Հ.Կ. Կեդրոնական Վարչութեան փոխ ատենապետ, պետական երեսփոխան ընկ. Սեպուհ Գալփաքեանը եւ վարչութեան անդամ ընկ. Տոքթ. Եղիկ Ճէրէճեանը, Ս.Դ.Հ.Կ. Լիբանանի Շրջանի Վարիչ Մարմինի ատենապետ ընկ. Կիրակոս Թիւթիւնճեանն ու անդամները, Պէյրութի մօտ Հայաստանի հիւպատոս Տիար Աշոտ Վանդանեանը, Հ.Կ.Բ.Մ.-ի ատենապետ Արամ Մալեանը, Նոր Սերունդ Մշակութային Միութեան ատենապետուհի ընկհ. Անի Եփրեմեանը, Հ.Մ.Մ. Պէյրութի ատենապետ Ռաֆֆի Մալեանը,  կուսակցութեան մասնաճիւղերու ատենապետներն ու անդամները, միութենական, ընկերային գործիչներ, Տխրունիական երիտասարդներ եւ լիբանանահայերու բազմութիւնմը:

Լիբանանի, Հայաստանի եւ Արցախի քայլերգներէն ետք, «Տխրունի» Ուսանողական Երիտասարդական Միութեան վարչութեան անունով խօսք արտասանեց ընկ. Տիգրան Միհրանեան: Ան սկսաւ յիշելով Խրիմեան Հայրիկի գաղափարախօսական սուրբ երրորդութիւնը` «զէնք, հող եւ ընտանիք»: «Երեք սրբութիւնները կը պահպանուին միայն
միացեալ եւ համախմբուած ջանքերով` մէկ ու միասնական բռունցքով: Անցնող օրերը Արցախին, անոր բնակիչներուն եւ համայն հայութեան համար եղան տագնապալի օրեր:

Թշնամի ազերին իր նենգութեամբ եւ վայրագութեամբ անգամ մը եւս ձախողեցաւ վտանգի տակ դնել Արցախահայութիւնը, շնորհիւ մեր հզօր եւ անպարտ բանակին: Որպէս սփիւռքահայութիւն եւ հայ երիտասարդ, այս զօրակցութեան հաւաքով կու գանք ըսելու, որ մենք միշտ Արցախի կողքին ենք, Արցախի հետ ենք եւ պատրաստ բոլոր մակարդակներով մեր մասնակցութիւնը բերելու ու զօրակցելու Արցախի մէջ մարտնչող հայ զինուորներուն: Մենք երախտապարտ ենք հայոց բանակին, հայ զինուորին եւ կամաւորին: Վստահ ենք, որ անոնք իրենց քաջութեամբ եւ մարտունակութեամբ պիտի շարունակեն մեր բոլորին արժանապատուութիւնը բարձր պահել, պաշտպանել մեր սուրբ հողը եւ ազգը: Այսօր աւելի գան երէկ, որպէս ժառանգորդները Մեծն Մուրատի, Փարամազի, Ժիրայրի, Աղասիի, Պանդուխտի, մենք` Հնչակեան երիտասարդներս միշտ պատրաստ ենք սատար կանգնելու ազատ եւ անկախ Հայաստանին ու Արցախին, անշուշտ նաեւ Հայոց անպարտ բանակին: Համոզուած ենք որ մեր դէմ ցցուած այսօրուայ մարտահրաւէրները պիտի յաղթահարենք միասնական ջանքերով, դառնալով մէկ շունջ, մէկ բռունցք եւ մէկ նպատակ`
մինչեւ Արցախի լիարժէք կցումը Հայաստանին», եզրափակեց ընկ. Միհրանեան:

Հանդիսութեան ընթացքին տեղի ունեցաւ շարք մը տեսագրութիւններու ցուցադրութիւն, որուն ընթացքին ներկաներուն
ներկայացուեցան Արցախի պայքարէն հին ու նոր նկարներ, Հնչակեան ջոկատներու գործունէութենէն տեսագրութիւններ, նաեւ Արցախ ժամանած Հնչակեան կամաւորներու պատգամները` իրենց ընկերներուն եւ հայ ժողովուրդին:

Ս.Դ.Հ.Կ. Լիբանանի Շրջանի Վարիչ Մարմինի անունով խօսք առաւ ընկ. Յակոբ Կէրկէրեան: Ան անդրադարձաւ վերջին զարգացումներուն, մարտահրաւէրներուն դէմ դնելու համազգային ջանքերուն, Հնչակեան Կուսակցութեան դիրքորոշումներուն եւ Արցախին օժանդակող անոր սկզբունքային ու անփոփոխ կեցուածքին: «Լիբանանի Շրջանի Վարիչ Մարմնի ընկերները, իմանալով Հայաստանի Հնչակեան կամաւորական Մեծն Մուրատ եւ Փարամազ ջոկատներու հին ու նոր կամաւորական հաւաքագրման գործին մասին, իր զօրակցութիւնը յայտնեց տարւող աշխատանքներուն եւ պատրաստակամութիւն յայտնեց օժանդակելու այդ կարեւոր գործին, ի շահ հայրենիքի պաշտպանութեան: Սոցիալ Դեմոկրատ Հնչակեան Կուսակցութեան Լիբանանի շրջանի Վարիչ Մարմինը, կոչ կ`ուղղէ Լիբանանահայ գաղութի բոլոր քաղաքական, յարանուանական գունաւորումներուն, հայկական միասնական շունջով ու ոգիով գործելու, հաւատալով հայ ժողովուրդի միասնական ուժին ու կարողականութեան, յանուն Արցախի ազատութիւնը ապահովելու սուրբ գործին մէջ մեր տեղն ու դերը ունենալու: Ս. Դ. Հ. Կ. Լիբանանի Շրջանի Վարիչ Մարմինը նաեւ Հայաստանի իշխանութեան ու ընդդիմութեան կոչ կ՝ուղղէ միասնական քաղաքական կամք դրսեւորելու այս օրհասական օրերուն, որպէսզի Արցախին սպառնացող բոլոր հրէշային ոտնձգութիւններուն համապատասխան հակահարուած տրուի, փրկելու համար Արցախի ազատ ու ինքնուրոյն ապրելու եւ գոյատեւելու անկոտրում կամքը: Նաեւ կոչ կ՚ուղղենք Հայաստանի պետութեան` առաւել ուշադրութեամբ մօտենալու ժողովուրդի ընկերային եւ տնտեսական կացութեան բարելաւման ջանքերուն», ըսաւ ընկ. Յակոբ Կէրկէրեան:

Գեղարուեստական յայտագրի ծիրին մէջ Նազօ Նազարեան ապրումով ներկայացուց Գէորգ Էմինի «Մենք» գործը, իսկ տեսագրութիւններուն ընթացքին հնչած հայրենասիրական երգերն ոգեւորեցին լիբանանահայ բազմութիւնը:

Պէյրութի մօտ Հայաստանի Հանրապետութեան նորանշանակ դեսպան Տիար Սամուէլ Մկրտչեան իր խօսքին մէջ նշում
կատարեց հայ ժողովուրդին առջեւ ցցուած վտանգաւոր մարտահրաւէրներուն, ատրպէյճանական նախայարձակ գործողութիւններուն եւ թշնամական ոտնձգութիւններուն, կոչ ուղղելով հպարտանալու մեր հերոսներով եւ շարունակելու անոնց յստակ ուղիով: «Այսօրուայ հաւաքը ունի շատ կարեւոր խորհուրդ: Այսօր մենք նաեւ կը փաստենք, որ հայ ժողովուրդը իր միասնականութեամբ անպարտ է, որեւէ պահու, երբ մեր թշնամին կը փորձէ մեր դէմ իր ոտնձգութիւնները իրականացնել, մենք կը համախմբուինք եւ մէկ բռունցք դարձած կը հակազդենք այդ բոլոր փորձերուն, արժանապատուօրէն պաշտպանելով մեր հայրենիքի հողը եւ մեր հայրենիքի անկախութիւնը: Մենք կը հպարտանանք մեր հերոսներով, որովհետեւ հերոսներով կը պաշտպանուի հողը, ազգը եւ ազգի ոգին: Մենք այդ հերոսներուն պակասը չունինք: Բայց նաեւ մեզի համար խիստ ցաւալի է, որովհետեւ ամէն մէկ հայ զինուորի կորուստը շատ մեծ կորուստ է հայ ժողովուրդին համար: Սակայն այս է մեր իրավիճակը, այս է մեր պատմական ճակատագիրը, մեր պատմական ուղին: Այդ ուղիէն մենք իրաւունք չունինք շեղելու, այլ պէտք է շարունակենք քայլեր առնել այդ ուղիին վրայ, հասնելու համար մեր նպատակներուն եւ լուծելու մեր առջեւ ցցուող բոլոր խնդիր ները», ըսաւ Պէյրութի մօտ Հայաստանի Հանրապետութեան դեսպանը: Անոր համաձայն, աշխարհասփիւռ հայութեան միասնական ոգեւորութիւնը մեծ մղում եւ աջակցութիւն է Հայաստանին ու Արցախին: Դեսպանը նաեւ կոչ ուղղեց միասնականու թիւնը պահել ու փայփայել, նաեւ զայն ի գործ դնել համազգային նպատակներու իրականացումին համար:

Հանդիսութեան աւարտին բեմ բարձրացաւ լիբանանահայ երգիչ Պերճ Նագգաշեանը, որ ներկայացուց Արցախին եւ ազատագրական պայքարին նուիրուած քանի մը երգեր: Անոր շուտով միացան ներկաները եւ բազմաթիւ պատանիներ, ապացուցելու, որ Արցախի ազատութիւնն ու անկախութիւնը, նաեւ հայ ժողովուրդի ապագան կը գտնուին ապահով ձեռքերու մէջ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...