News

28
Feb

Ցեղասպանութիւններու Մասին Քննարկում ԱՄՆ Քոնկրեսին Մէջ

 ՀՅԴ Ամերիկայի Հայ դատի յանձնախումբին կողմէ կազմակերպուած էր քննարկում մը՝ նուիրուած «Ցեղասպանութիւն» եզրը առաջին անգամ գործածութեան մէջ դրած իրաւաբան Ռաֆայէլ Լեմքինին, որ ամբողջ կեանքը նուիրեց ցեղասպանութիւնը որակող եւ դատապարտող իրաւական հիմքերու ստեղծման, կը հաղորդէ «Ամերիկայի ձայն»-ը:

Ցեղասպանութիւնը կը փոխէ ոչ միայն զայն վերապրած ժողովուրդը այլեւ զայն իրագործած երկրի էութիւնը: Այս մասին Միացեալ Նահանգներու Քոնկրեսի մէջ անցած քննարկման ընթացքին ընդգծեց Ցեղասպանութիւնը ուսումնասիրող գիտնականներոը միջազգային ընկերակցութեան նախագահ Հենրի Թերիոլը:

Լեմքինի կողմէ «Ցեղասպանութեան» որակումը տալէն 75 տարի անց ցեղասպանութիւնները դեռ տեղի կ՛ունենան՝ վերափոխելով թէ ատոնց զոհերը եւ թէ` իրականացնողները: Սակայն, եթէ Աւստրալիոյ կառավարութիւնը ինքը առանց որեւէ արտաքին ճնշման ճանչցաւ Աւստրալիոյ բնիկ բնակչութեան դէմ 18-19-րդ դարերուն իրականացուցած ցեղասպանութիւնը, Անգարայի կողմէ Հայոց Ցեղասպանութեան ժխտումը կը վնասէ նաեւ ներկայիս Թուրքիոյ զարգացման, կը նշէ Թերիոլ․

«Իրականութեան մէջ, կարելի է տեսնել, թէ ինչպէս Հայոց Ցեղասպանութիւնը իրականացուցած մարդիկ յետագային Թուրքիոյ իշխանութիւնը կազմած եւ  ուրուագծած են այսօրուան Թուրքիոյ ռազմական, տնտեսական եւ քաղաքական համակարգի հիմունքները: Ուստի, ինչո՞ւ կը զարմանանք, որ տասնամեակներ անց այնտեղ հարուածի տակ է նոր խումբը` քիւրտերը»:

Քննարկման ներկայ Հայաստանի մէջ ԱՄՆ-ի նախկին դեսպան Ճոն Էվընս իր կողմէ շեշտեց, որ Լեմքին այն մարդն էր, որ լրացուց ցեղասպանութիւնը իրականացնողներուն պատասխանատուութեան ենթարկելու համար անհրաժեշտ իրաւական բացը, սակայն, արդարութեան հասնելու համար անիկա բաւարար չէ.

«Անհրաժեշտ օրէնքները առկայ են, սակայն, կը բացակայի այդ օրէնքներուն նկատմամբ յարգանքը: Այդ օրէնքները գործածելու համար անհրաժեշտ են նաեւ դիւանագիտական ջանքեր: Ես խորհուրդ կու տայի աշխատիլ ժողովրդավար երկիրներու հանրութիւններու հետ, որպէսզի այդ հանրութիւնները պահանջեն իրենց կառավարութենէն միջազգային ասպարէզի մէջ աջակցիլ Ցեղասպանութեան ճանաչման»:

Հենրի Թերիոլ համաձայն է` ցեղասպանութեան դէմ պայքարը մէկ անձի պայքար չէ, ան կը պահանջէ հանրային ջանքեր:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...