News

16
Apr

Ցուցարարները` Փաշինեանի գլխաւորութեամբ` Կ՛ուղղուին Դէպի Ազգային Ժողով․ Ոստիկանութիւնը Փակած է Պողոտան

26622510677_5ecd871a2d_b

Ցուցարարները Ֆրանսայի հրապարակէն «Քաղաքացիական պայմանագիր» կուսակցութեան քաղաքական խորհուրդի անդամ Նիկոլ Փաշինեանի գլխաւորութեամբ Բաղրամեան պողոտայով կը բարձանան դէպի Ազգային ժողով:

Նշենք, որ Բաղրամեան պողոտան ոստիկանութիւնը փակած է:

Իր ելոյթին մէջ Փաշինեան ըսաւ.

«Ազգային ժողովի 4 պատգամաւորներս ձեր ուղեկցութեամբ հիմա պիտի երթանք մեր աշխատանքի վայրը: Այնտեղ կանգնածները մեր եղբայրներն են: Սա քաղաքական պայքար է, մեր ձեռքը չկայ ոչ փայտ, ոչ քար, չկայ բռնութիւն: Մեր ձեռքերը կայ միայն սէր, յարգանք, յոյս:

«Ոչ մէկ ոստիկանի նկատմամբ բռնութիւն չենք գործադրեր եւ պիտի չգործադրենք:

«Եթէ ոեւէ մէկը քար նետէ ոստիկաններու վրայ, տեղւոյն վրայ չէզոքացուցէք, ան սադրիչ է: Մենք բռնութիւն պիտի չգործադրենք, ուղղակի պիտի անցնինք:

«Այստեղ կայ Ազգային Ժողովի 4 պարտամաւոր, առաջին շարքին մէջ կը քալեն այդ պատգամաւորները, որոնք կ՛երթան աշխատանքի իրենց գործատուներու հետ: Դուք մեր գործատուն էք»:

Նշենք, որ այսօր առաւօտէն ցուցարարները փակելով անցած են Երեւանի կեդրոնի շարք մը փողոցներով: Այդ ընթացքին տարբեր խումբեր փակած են Մոսկովեան, Սարեան, Աբովեան, Կորիւն, Նալբանդեան, Սայաթ Նովայ փողոցները, Մաշտոց եւ Բաղրամեան պողոտաները:

Երէկ Նիկոլ Փաշինեան կոչ ըրած էր Երկուշաբթի օր արգելափակել Երեւանի կամուրջները, փողոցները, մեթրոն։ «Վաղը առաւօտեան 8:15-էն պէտք է սկսին քաղաքացիական անհնազանդութեան գործողութիւններ: Այդ գործողութիւնները ոեւէ մէկուն որեւէ վնասի եւ վտանգի տակ չեն դներ»,- ըսած է ան:

Յիշեցնենք, որ «Քաղաքացիական պայմանագիր» կուսակցութիւնը` Նիկոլ Փաշինեանի գլխաւորութեամբ, Մարտ 31-էն Հայաստանի քաղաքներով սկսաւ քայլարշաւի, որ վերջ գտաւ Ապրիլ 13-ին, Ազատութեան հրապարակի վրայ շուրջօրեայ հանրահաւաքով, ապա նստացոյցով Ֆրանսայի հրապարակին վրայ: Անոնք յայտարարած են, որ մտադիր են Ապրիլ 17-ին շրջափակելու Ազգայի Ժողովի շէնքը, նաեւ պատգամաւորներուն տուները եւ չձգել, որ անոնք մասնակցին ԱԺ-ի մէջ տեղի ունենալիք վարչապետի ընտրութեան: «Ելք» դաշինքի միւս երկու կուսակցութիւնները` «Լուսաւոր Հայաստան»-ը եւ «Հանրապետութիւն»-ը չեն միացած այս պայքարին:

Ապրիլ 17-ին Ազգային Ժողովի յատուկ նիստի ընթացքին տեղի պիտի ունենայ վարչապետի ընտրութիւնը: ՀՀԿ-ն եւ ՀՅԴ-ն վարչապետի թեկնածու առաջադրեցին Սերժ Սարգսեանը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...