News

13
Dec

Փայլան` Թուրքիոյ Խորհրդարանին Մէջ Բարձրացուցած է Պոլսոյ Պատրիարքի Ընտրութեան Հարցը

1126paylan

Թուրքիոյ խորհրդարանի հայ պատգամաւոր Կարօ Փայլան խորհրդարանին մէջ բարձրացուցած է Պոլսոյ հայոց պատրիարքի ընտրութիւններու հարցը:

Ինչպէս կը տեղեկացնէ Ermenihaber-ը, քրտամէտ Ժողովուրդներու ժողովրդավարական կուսակցութենէն ընտրուած հայ պատգամաւորը Թուրքիոյ ներքին գործոց նախարար Սուլէյման Սոյլուին հասցէագրուած գրաւոր հարցադիմում ներկայացուցած է խորհրդարան: Ան Սոյլուին հարցեր յղած է Պոլսոյ հայոց պատրիարքի ընտրութիւններուն կառավարութեան միջամտութեան պատճառներու մասին:

Փայլանի գրաւոր հարցադիմումի հայերէն տարբերակը կը ներկայացնենք ստորեւ:

«Թուրքիոյ հայերու պատրիարք Մեսրոպ Մութաֆեան առողջական խնդիրներու պատճառով 9 տարի շարունակ չի կրնար կատարել պատրիարքի պարտականութիւնները: Թուրքիոյ հայոց պատրիարքարանի հոգեւորականները նոր պատրիարքի ընտրութեան գործընթացը սկսելու նպատակով, 1863 թուականի հայկական կանոնակարգի (Հայ ազգային սահմանադրութեան-EH), Լոզանի պայմանագրի եւ կանոններու համաձայն, 2017 թուականի Մարտ 15-ին արքեպիսկոպոս Գարեգին Պեկչեանը ընտրած են տեղապահ: Տեղապահը կրկին, համաձայն կանոններու, սկսած է պատրիարքի ընտութիւններու գործընթացը: Ատկէ ետք պատրիարքութեան կողմէ Պոլսոյ նահանգապետարանի միջոցով ներքին գործոց նախարարութիւն գրութիւններ ուղարկուած են: Տեղապահ Գարեգին Պեկչեանի ստորագրութեամբ վերջին նամակը հոգեւոր խորհուրդի կողմէ Պոլսոյ նահանգապետարան ուղարկուած է 2017-ի Յուլիս 9-ին: Սակայն այդ գրութիւններէն որեւէ մէկուն պատկան մարմիններէն պատասխան չէ տրուած: Այն պարագային, երբ 2 փուլով ընտրութիւններու իրականացման ամսաթիւեր կ՛առաջարկուէր Դեկտեմբեր 10-ը եւ 13-ը:

Մամուլի մէջ յայտնուած պնդումներու համաձայն` Պոլսոյ նահանգապետ Վասիփ Շահին ըսած է. «Պետութիւնը Գարեգին Պեկչեանը չի ճանչնար իբրեւ պատրիարքի տեղապահ, պէտք է Պոլսոյ միւս երկու եպիսկոպոսներու միջեւ ընտրութիւն ընել»:

Համայնքին կ՛անհանգստացնէ պատրիարքի ընտրութիւններու` տարիներով շարունակուող ձգձգումը եւ պետութեան միջամտութիւնը հայ համայնքի իրաւունքը հանդիսացող ընտրութեան կազմակերպման գործին»:

Այնուհետեւ Փայլան Թուրքիոյ ներքին գործոց նախարարին ուղղած է հետեւեալ հարցերը`

  1. Ո՞րն է պետութեան կողմէ հայոց պատրիարքի ընտրութիւններու գործընթացին միջամտելու հիմքը:
  2. Արդեօ՞ք պետութիւնը  գործընթացին կ՛ընէ այն միջամտութիւնը, որու մասին յայտարարած է Պոլսոյ նահանգապետ Վասիփ Շահին:
  3. Ո՞րն է ընտրութեան գործընթացի ձգձգման պատճառը, այն պարագային, երբ հայ համայնքին մէջ ատոր սկսելուն վերաբերեալ համաձայնութիւն կայ:
  4. Պատրիարքի ընտրութիւններու ձգձգման ֆոնին ինչպէ՞ս կը գնահատէք Թուրքիոյ նախագահ Ռեճեփ Թայիփ Էրտողանի` Յունաստանի մէջ կատարած յայտարարութիւնը այն մասին, թէ Արեւմտեան Թրաքիոյ մէջ իսլամները չեն կրնար մուֆթի ընտրել:
  5. Եր՞բ վերջ պիտի դրուի հայոց պատրիարքի ընտրութիւններու հարցով համայնքին համար խոչընդոտներ ստեղծելուն:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...