News

16
Apr

Փաշինեան Կոչ Կ՛ընէ Վաղը «Շրջափակել» Ազգային Ժողովի Շէնքը

original

Ընդդիմադիր առաջնորդ Նիկոլ Փաշինեան կոչ ըրաւ իր աջակիցներուն Ապրիլ 17-ին, արդէն գիշերուընէ շրջափակելու Ազգային ժողովի շէնքը եւ այդպիսով տապալելու նիստը, որու ընթացքին տեղի պիտի ունենայ Սերժ Սարգսեանի վարչապետի պաշտօնին ընտրութիւնը։

«Կը պայմանաւորուինք` առաւօտեան 8:15-ին բոլոր փողոցները, իսկ գիշերուընէ` կը սկսի Ազգային ժողովին մօտեցող փողոցներու շրջափակումը», – Երկուշաբթի երեկոյեան դիմելով Երեւանի Ֆրանսայի հրապարակը արգելափակած ցուցարարներուն` յայտարարեց Փաշինեանը: – «Այստեղ մարդիկ կան` այդ տարածքներուն մէջ կ՛ապրին: Գիշերը մի իքս ժամու իրարու հետ կազմակերպուեցէք, ինչքան տունը քար կայ, աւազ կայ, փայտ կայ` բերէք – լեցուցէք, երկու-երէք մեթրնոց բաներ կառուցեցէք, որ ոչ մէկը կարենայ այդտեղէն անցնիլ»:

Ընդդիմադիր գործիչը մանրամասնեց նաեւ Ազգային ժողով տանող հիմնական փողոցները շրջափակելու ծրագիրը` հայցելով աջակիցներուն հաւանութիւնը․  «Վաղը ժամը 11:00-էն նաեւ կը հաւաքուինք այստեղ, այնպէս կ՛ընենք, որ այդ մուտքերէն իւրաքանչիւրին դիմաց` Բաղրամեան, Սարեանի անկիւնը` Գլխաւոր փոստի մօտի բարձրացող շէնքը, Պռոշեան, Հալաբեանի կողմէ` «Նայիրի» բժշկական կեդրոնի հատուածը: Այնպէս կ՛ընենք, որ այդ փողոցներէն իւրաքանչիւրի մօտ 10-15 հազար մարդ ըլլայ ժամը 11-ի դրութեամբ, որպէսզի մենք, ըստ հնարաւորութեան, կարենանք քանի մը կողմերէ շրջափակել շէնքը եւ ըստ իրավիճակի նաեւ այլ գործողութիւններ ձեռնարկենք միաժամանակ չորս-հինգ ուղղութիւններով»:

Փաշինեան նաեւ նշեց, թէ տեղութիւններ ունին, որ պատգամաւորներուն ըսուած է, որ գիշերը մնան Ազգային ժողովի շէնքին մէջ:  «Մենք, մեր պատգամաւորները կ՛երթան, կը ստուգեն անոնք այնտեղ են, թէ այնտեղ չեն եւ տեղեկութիւնը կը հաղորդեն», – խոստացաւ Փաշինեան:

Այսօր կէսօրէ ետք Ազգային ժողովին մօտենալու ժամանակ` ցուցարարները փորձեցին ճեղքել փշալարերը եւ արգելապատնէշը։ Ոստիկանութեան եւ ցուցարարներու միջեւ տեղի ունեցած ընդհարումի ժամանակ, իրաւապահները յատուկ միջոցներ կիրառեցին, որուն պատճառով՝ պաշտօնական տուեալներով 46 մարդ վնասուածքներ ստացած է:

Ոստիկանութիւնը այսօր երեկոյեան արդէն իսկ մեծ թիւով ուժեր կուտակած է Բաղրամեան պողոտայի վրայ եւ փշալարերով արգելապատնէշ ստեղծած:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...