News

31
Jan

Փարիզի Մէջ Կարօ Փայլանին Grand Vermeil Պատուոյ Մետալ Յանձնած

garo-paylan

Ֆրանսաի նախագահ Էմանուէլ Մաքրոնը եւ Թուրքիոյ խորհրդարանի պատգամաւոր Կարօ Փայլանը Փարիզի մէջ հանդիպած են Ֆրանսայի հայկական կազմակերպութիւններու Համակարգող խորհուրդի ամենամեայ ընթրիքին:

Ձեռնարկին ընթացքին Փարիզի քաղաքապետ Անն Իտալկոն Կարօ Փայլանին յանձնած է Grand Vermeil պատուոյ մետալը։ Այս մասին կը յայտնէ News.am-ը։

Թուրքիոյ խորհրդարանի հայ պատգամաւորին ծափահարած է ընթրիքին մասնակցող 500 մարդ:

«Ձեր կեանքը մշտական վտանգի մէջ է: Շնորհակալկութիւն այն բանին համար, որ դուք կ՝ընէք: Դուք ժողովրդավարութեան հերոս էք, հերոս, որ կը պաշտպանէ մարդու իրաւունքները: Ամէն անգամ, երբ մեր կարիքը ունենաք, հայերը ձեր կողքին պիտի ըլլան, Փարիզը ձեր կողքին պիտի ըլլայ»,- յայտարարած է Անն Իտալկոն:

Հանդիպման մասնակցած են նաեւ հրէական համայնքի ներկայացուցիչներ, ֆրանսացի փաստաբան եւ պատմաբան, նացիստական յանցագործութիւնները մերկացնելու եւ պատժելու մարտիկ Սերժ Քլարսֆելտը կնոջ՝ Պէաթայի հետ, որ ստացած է հայ համայնքի «Խիզախութեան համար CCAF» մետալը:

«Մենք մշտապէս հայ ժողովուրդի կողքին եղած ենք,- յայտարարած է Սերժը: – Եւ մենք կը պայքարինք այն բանի համար, որպէսզի Իսրայէլը նոյնպէս ճանչնայ Հայոց
Ցեղասպանութիւնը: Մենք նաեւ յոյս ունինք, որ Հայոց Ցեղասպանութեան ժխտման քրէականացումը պիտի ընդունուի նաեւ Ֆրանսայի մէջ՝ ճիշդ այնպէս, ինչպէս ընդունուած է հրէայ համայնքը պաշտպանող օրէնքը»:

Նշենք, որ Grand Vermeil պատուոյ մետալի յաւակնորդները կ՝որոշեն քաղաքային եւ շրջանային խորհուրդի պատգամաւորները: Grand Vermeil-ը հիմնադրուած է 1948-ին: Անիկա կը շնորհուի սեփական մասնագիտութեամբ երակարատեւ, ազնիւ եւ պտղաբեր աշխատանքի համար:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...