News

23
Apr

Փարիզի Քաղաքապետը Աջակցութիւն Յայտնած է Ֆրանսայի Մէջ Հայոց Ցեղասպանութեան Ժխտման Քրէականացման

ann

Ֆրանսայի հայ համայնքի ներկայացուցիչները Հայոց Ցեղասպանութեան 101-րդ տարելիցին առիթով կազմակերպուած ընդունելութեան ընթացքին հիւրընկալած են Փարիզի քաղաքապետ Անն Հիտալկոն:

Ըստ Nouvelles d’Armenie-ի` Փարիզի քաղաքապետը իր ելոյթին մէջ անդրադարձած է նաեւ Լեռնային Ղարաբաղի խնդիրին:

«Ֆրանսայի դերակատարութիւնը պէտք է ըլլայ Մինսկի խումբի ծիրէն ներս աջակցութիւն ցուցաբերել խնդրի լուծման այն պայմաններով, որոնք թոյլ պիտի տան խուսափելու նոր պատերազմէ»,- շեշտած է Անն Հիտալկոն:

Փարիզի քաղաքապետը նաեւ իր հաստատակամ աջակցութիւնը յայտնած է Ֆրանսայի մէջ Հայոց Ցեղասպանութեան ժխտումը քրէականացնող օրինագիծին: «Այստեղ դուք ձեր տան մէջ էք: Այս տունը, որ նաեւ ձերն է, միշտ ձերն ալ պիտի ըլլայ, անիկա ձեզի պիտի աջակցի ու պիտի հիւրընկալէ ձեզ»,- ֆրանսահայերուն դիմելով ըսած է Անն Հիտալկոն:

Հանդիպման ընթացքին ելոյթ ունեցած են նաեւ Ֆրանսայի հայկական կազմակերպութիւններու համակարգող խորհուրդի համանախագահներ Մուրատ Փափազեանն ու Արա Թորանեանը: Ընդունելութեան ներկայ եղած է  Ֆրանսայի մէջ Հայաստանի արտակագ եւ լիազօր դեսպան Վիգէն Չիտեչեանը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...