News

31
Mar

Քննարկում` Հայաստանի Հանրապետութեան Եւ Լիբանանի Հանրապետութեան Միջեւ Դիւանագիտական Յարաբերութիւններու Հաստատման 25-ամեակին Առիթով

Samuel-Mekrtchian_33017

29 Մարտ 2017-ին Լիբանանի մէջ Հայաստանի դեսպանութեան նախաձեռնութեամբ եւ Հայկազեան համալսարանին կազմակերպութեամբ տեղի ունեցաւ Հայաստանի Հանրապետութեան եւ Լիբանանի Հանրապետութեան միջեւ դիւանագիտական յարաբերութիւններու հաստատման 25-ամեակին նուիրուած քննարկում:

Լիբանանի «Ազդակ» օրաթերթին հաղորդած տեղեկոթիւններով՝ ձեռնարկին կը մասնակցէին Լիբանանի մէջ Հայաստանի դեսպան Սամուէլ Մկրտչեան, Հայկազեան համալսարանի նախագահ վեր. դոկտ. Փոլ Հայտոսթեան, Հայաստանի մէջ Լիբանանի նախկին դեսպաններ Սաատ Զախիա (1997-99) եւ Կապրիէլ Ժըարա (2003-2011): Ներկայ էին կրօնական, դիւանագիտական, ակադեմական շրջանակներու ներկայացուցիչներ:

Հայկազեան համալսարանի նախագահ վեր. դոկտ. Փոլ Հայտոսթեան իր ելոյթին ընթացքին անդրադարձաւ դիւանագիտութեան մէջ տարբեր գործօններու` քաղաքակրթական, ազգային-մշակութային, տարբեր դերակատարներու շահերու համընկնումի փոխադարձ յարաբերակցութեան եւ անոնց հիման վրայ արդիւնաւէտ յարաբերութիւններու զարգացման: Վեր. Հայտոսթեան գոհունակութեամբ  նշեց, որ 1992-էն 1993 թուականներու կրթաշրջանին Հայկազեան համալսարանին մէջ ուսանած խումբ մը դիւանագէտներ այսօր կարեւոր պաշտօններ կը զբաղեցնեն Հայաստանի Հանրապետութեան պետական կառոյցներուն մէջ:

Դեսպան Սամուէլ Մկրտչեան նախ արժեւորեց Հայաստանի եւ Լիբանանի` իբրեւ երկու անկախ եւ ինքնիշխան պետութիւններու, վերջին 25 տարիներու յարաբերութիւնները: Դեսպանը` յղում կատարելով երկու ժողովուրդներու դարաւոր առնչութիւններուն, Լիբանանի հայ համայնքի ակնառու դերակատարութեան, մասնաւորապէս անդրադարձաւ վերջին երկու տասնամեակներուն ընթացքին պետական բարձրաստիճան պաշտօնեաներու փոխադարձ այցելութիւններուն, քաղաքական, տնտեսական, մշակութային, գիտական մարզերուն մէջ փոխադարձ շահաւէտ համագործակցութեան: Դեսպան Մկրտչեան կարեւոր նկատեց միջազգային հարթակներու վրայ երկու երկիրներու համագործակցութիւնը, որ հիմնուած է արժէքային մօտեցումներու վրայ: Ան նշեց, որ արտաքին գործոց նախարարներ Էդուարդ Նալբանդեան եւ Ժըպրան Պասիլ միասին 2015-ին մասնակցած են Միջին եւ Մերձաւոր Արեւելքի կրօնական փոքրամասնութիւններու պաշտպանութեան  նուիրուած Ժընեւի միջազգային համաժողովին: Դեսպանը ընդգծեց, որ քաղաքական համագործակցութեան մարզին մէջ առկայ փոխադարձ վստահութեան շնորհիւ երկու բարեկամ պետութիւնները միջազգային կազմակերպութիւններուն մէջ մշտապէս կ՛աջակցին մէկզմէկու:

Իր ելոյթին մէջ Հայաստանի Հանրապետութեան մէջ Լիբանանի առաջին դեսպան Սաատ Զախիա նկարագրեց Հայաստանի մէջ Լիբանանի դեսպանատան հաստատման առաջին քայլերը` իբրեւ 10-րդ երկիր Հայաստանի անկախացումէն ետք: Ուշագրաւ էր նաեւ դեսպան Կապրիէլ Ժըարայի ելոյթը: Ան դրուագներ ներկայացուց Հայաստանի մէջ իր իննամեայ պաշտօնավարութեան շրջանէն, անդրադարձաւ լիբանանեան եւ սփիւռքահայ ներդրումներուն, վերյիշեց իր կապերը Գարեգին Ա. կաթողիկոսին հետ: Կ. Ժըարա շեշտեց, որ երկու երկիրներու սերտ կապերուն շնորհիւ վերջին 25 տարիներուն ընթացքին լիբանանցի եւ հայ ժողովուրդները կրցան ստեղծել համագործակցութեան ամուր հիմքեր, որոնք հիմնուած են հարուստ մշակոյթներու նկատմամբ փոխադարձ յարգանքի վրայ:

Քննարկման մասնակիցները արձանագրեցին, որ Հայաստանն ու Լիբանանը ունին փոխըմբռնման եւ բարեկամութեան դարաւոր կապեր, որոնք կարելի է աւելի զարգացնել եւ զօրացնել:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...