News

12
Sep

Ֆրանսախօս Երկիրներու Համաժողովին Հայ Ժոդովուրդը Իրեն Բնորոշ Հիւրընկալութեամբ կը Պատրաստուի. Կայացաւ ՖՄԿ 11-րդ Ժողովի Բացման Արարողութիւնը

Ֆրանսախօս երկիրներու 17-րդ համաժողովին, որ այս տարի պիտի իրականացուի Երեւանի մէջ, հայ ժոդովուրդը կը պատրաստուի իրեն բնորոշ հիւրընկալութեամբ:

Ըստ Armenpress.am-ի՝ Սեպտեմբեր 12-ին, Ֆրանսախօս երկիրներու միջազգային հասարակական կազմակերպութիւններու 11-րդ համաժողովի բացման արարողութեան ընթացքին, այս մասին ըսած է ֆրանսախօս երկիրներու միջազգային կազմակերպութեան գլխաւոր քարտուղար Միշէլ ժան:

Անոր խօսքով`  համաժողովը արդէն իսկ կը հիւրընկալուի բարձր մակարդակով: «Մեզի համար մեծագոյն պատիւ է համաժողովը իրականացնել երկրի մը մէջ, ուր տեղի ունեցած է  թաւշեայ յեղափոխութիւն, խաղաղ իշխանափոխութիւն, եւ մենք հնարաւորութիւն ունինք միասին ներգրաւուած ըլլալու այս գործին»,- ըսած է ան։

ՖՄԿ գլխաւոր քարտուղարը նշած է, որ Երեւանի մէջ հնարաւորութիւն ունեցած է հանդիպելու երիտասարդներու, որոնք քաղաքացիական պատասխանատւութիւն ստանձնած են առաջ տանելու թաւշեայ յեղափոխութեան ձեռքբերումները:

Երեւանի քաղաքապետի ժամանակաւոր պաշտօնակատար Կամօ Արէյեանի հաւաստիացումով` ֆրանսախօս երկիրներու գագաթնաժողովը ամենածաւալուն իրադարձութիւններէն է եւ անիկա նոր հեռանկարներ պիտի բանայ համագործակցութեան համար: «Մենք բարձր կը գնահատենք եւ կարեւոր կը համարենք ֆրանսական կազմակերպութիւններու եւ ֆրանսախօս քաղաքներու հետ մեր յարաբերութիւնները: Ուրախալի է, որ ֆրանսախօս երկիրներու ձեռնարկներու մեծ մասը պիտի կայանայ մայրաքաղաքին մէջ»,- նշած է Արէյեան՝ աւելցելով, որ Երեւանը բաց է եւ պատրաստ է համագործակցութեան համար:

Յիշեցնենք, որ ֆրանսախօս երկիրներու գագաթաժողովը պիտի իրականացուի 2018 Հոկտեմբեր 11-12-ին, Երեւանի մէջ: Ֆրանսախօս երկիրներու նախարարական համաժողովը «Ապրիլ միասին»-ը հաստատած է իբրեւ երեւանեան գագաթնաժողովի կարգախօս։

 

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...