News

28
Apr

Ֆրանսայի Հայկական Կազմակերպութիւնները Աջակցութիւն Կը Յայտնեն Էմանուէլ Մակրոնին

Emmanuel MacronՖրանսայի հայկական կազմակերպութիւններու համակարգող խորհուրդի  համանախագահներ Մուրատ Փափազեան եւ Արա Թորանեան` Մակրոնին ուղղուած նամակին մէջ, կը նշեն, որ խորհուրդը պիտի սատարէ իր Մայիս 7-ին կայանալիք Ֆրանսայի նախագահի ընտրութիւններու երկրորդ փուլին En Marche! շարժման առաջնորդ Էմանուէլ Մակրոնին:

«Կը ցանկանք ողջունել Փարիզի մէջ Ապրիլ 24-ին ձեր կատարած այցը Հայոց Ցեղասպանութեան նուիրուած յուշարձան եւ շնորհակալութիւն յայտնել, որ յարգանքի տուրք մատուցեցիք ցեղասպանութեան մէկուկէս միլիոն զոհերու յիշատակին: Ձեր քայլը լիովին կը տեղաւորուի ձեր ներգրաւուածութեան գիծի մէջ, մասնաւորապէս Ապրիլ 24-ը Հանրապետութեան օրացոյցին մէջ ներառելու նախաձեռնութեան մէջ: Անիկա կը վկայէ զոհերու համար արդարութեան պահանջին ձեր նուիրուածութեան մասին` զոհեր, որոնք «ենթարկուած են 20-րդ դարու ամենադաժան կոտորածներէն մէկուն», ինչպէս նոյն օրը նշալ էր ԱՄՆ նախագահը:

«Արժանապատուութեան ու մարդու իրաւունքներու այս հարցը, որուն շուրջ մեծ պայքար կ՛ընթանայ, պաշտպանութեան կարիք ունի, մասնաւորապէս, համարձակ, յառաջընթացին ու արժէքներուն նուիրուած պետական գործիչներու պաշտպանութեան կարիքը:

«Այս հարցով ձեր ներգրաւուածութիւնը, Ապրիլ 24-ին ձեր կատարած քայլը, ձեզի հետ ունեցած մեր հանդիպումը, հայկական հարցի հետ կապուած ձեր արտայայտած դիրքորոշումը, ինչպէս նաեւ Ֆրանսայի դիրքերու վերականգնման ուղղուած ձեզ առաջնորդող ընդհանուր քաղաքական սկզբունքները մեզ կը համոզեն, որ դուք այդպիսի գործիչ էք: Մենք եւս համոզուած ենք, որ միաւորումը, աւանդական պառակտումներէն առաջ անցնիլն է, որ մեզի թոյլ կու տան յաղթահարել ճգնաժամերը:

«Նոյն այդ պատճառով ալ այս նամակով կը ցանկանք մեր աջակցութիւնը յայտնել ձեզի յառաջիկայ նախագահական ընտրութիւններուն»,-  նշուած է նամակին մէջ:

Աւելի առաջ Էմանուէլ Մակրոնին իր աջակցութիւն յայտնած էր նաեւ Ֆրանսայի Հայ դատի յանձնախումբը:

Մայիս 7-ին պիտի կայանայ Ֆրանսայի նախագահի ընտրութիւններուն երկրորդ փուլը, որուն անցած են Ապրիլ 23-ին կայացած առաջին փուլին առաւելագոյն ձայներ ստացած երկու թեկնածուները` էմանուէլ Մակրոն եւ Մարին լը Փեն:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...