News

14
Sep

10 Երկրէ Պլոկըրներու Նոր Խումբ Մը Կը Մեկնի Արցախ․Նալպանտեան

edward nalbandian

Սեպտեմբեր 14-ին 10 երկրէ պլոկըրներու նոր խումբ մը պիտի մեկնի Արցախ` մասնակցելու Արցախի գինիի փառատօնին: Այդ մասին յայտարարած է Հայաստանի Արտաքին գործոց նախարար էդուարդ Նալպանտեան Ազգային ժողովի մէջ կառավարութեան հետ հարց ու պատասխանի ժամանակ` անդրադառնալով պլոկըր Ալեքսանդր Լափշինի գործի ազդեցութիւնը Արցախ այցելութիւններու վրայ:

Պաքուի մէջ 3 տարուան ազատազրկման դատապարտուած եւ Ատրպէյճանի նախագահ Իլհամ Ալիեւի կողմէ ներում ստացած եւ անոր մեղանչական նամակ հասցէագրած ռուսաստանցի պլոկըր, Ռուսիոյ եւ Իսրայէլի քաղաքացի Ալեքսանդր Լափշին մեկնած է Իսրայէլ:

«Պլոկըրներէն  քանի մը հոգի կը պատրաստուին նաեւ նկարահանումներ իրականացնել եւ ներկայացնել ղարաբաղի գրաւչութիւնը զբօսաշրջութեան տեսանկիւնէ եւ հրաւիրելով զբօսաշրջիկները այցելել Արցախ: Սա է արձագանգը: Եւ ոչ միայն պլոկըրներ… Ատրպէյճան մեծ ջանքեր կը գործադրէ, «սեւ ցուցակներ» կը կազմէ եւ այլն: Սակայն փաստ է, որ Ղարաբաղ այցելող թէ՛ պատգամաւորներու, թէ՛ քաղաքական եւ թէ՛ մշակութային գործիչներու թիւը կ՛աւելնայ, եւ այդպէս ալ պիտի շարունակուի»,-ըսած է ան:

Նախարարը յիշեցուցած է, որ Լափշինի ձերբակալութենէն անմիջապէս ետք մօտ տասը երկիրներէ պլոկըրներ այցելեցին Ղարաբաղ, նշելով, որ այս ընթացքին Արցախ այցելող զբօսաշրջիկներուն թիւը աճեցաւ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...