10 Տարեկան Մարիամիկի Վիրահատութեան Առաջին փուլը Բարեյաջող Անցաւ

ԵՌԱԳՈՅՆ-ի սիրելի՛  ընթերցողներ,

10 տարեկան Մարիամիկը  վիրահատեցին Երեւանի «Աստղիկ» Բժշկական կեդրոնէն ներս:  Անոր ողնուղեղը ճնշող ուռեցքը մասնակի հեռացուած է, համապատասխան վիրահատական բոլոր միջամտութիւնները այս փուլին համար բարեյաջող իրականացուած են: Այժմ կը սպասենք գոյացութեան հետազօտութեան արդիւնքներուն, որմէ ետք սրտցաւ ու մասնագէտ  բժիշկները պիտի կայացնեն յաջորդ քայլին վճիռը։

ԵՌԱԳՈՅՆ-ի ընթերցողներուն կողմէն հաւաքուած $700 յատկացուեցաւ Մարիամի բուժման ծախսերուն։ Անոր հարազատներուն անունով շնորհակալութիւն կը յայտնենք այս բարեգործութեան նպաստած մեր ընթեցողներուն։

“Այս պահուն Մարիամը մեր տեսած ամենահոգատար բուժանձնակազմի հսկողութեան տակ  կը կազդուրուի”,- կ’ըսեն Մարիամի հարազատները։

Աղօթենք, որ Մարիամիկը լիովին փուժուի եւ աջակցինք այդ բարեգործութեան։

Source: Yerakouyn