News

30
Apr

2023-ին Արցախի Մէջ Պիտի Աարտադրուի 1 Միլիառ Ժամ Ելեկտրականութիւն. Արայիկ Յարութիւնեան (տեսանիւթ)

Ապրիլ 29-ին, Շուշիի արհեստագիտութիւններու համալսարանի հոգաբարձուներու խորհուրդի նախագահ Արայիկ Յարութիւնեան համալսարանին մէջ դասախօսութիւն տուած է «Արցախը որպէս էներգետիկ անկախ երկիր» թեմայով դասախօսութեամբ:

«Արցախփրես»-ի հաղորդմամբ`  Արայիկ Յարութիւնեան նշած է, որ տակաւին 2007-ին, երբ նշանակուած է վարչապետ, Հանրապետութեան Նախագահին կողմէ իրեն տրուած էր երկու կարեւոր յանձնարարական` կապուած ուժանիւթի եւ պարէնային անկախութեան հետ:

«Որեւէ երկիր, յատկապէս երբ կ՛ունենայ տարածաշրջանային խնդիրներ, կարեւոր կը նկատէ այդ երկու գործօնները, որոնք գրեթէ կը համեմատուին ընդհանուր անվտանգութեան հետ: Մեր պարագային պէտք է առանձնացնել յատկապէս 1991-1994 թուականները, երբ Արցախի եւ Հայաստանի մէջ ուժանիւթի ճգնաժամ էր, եւ 2008 թուականըը, երբ ռուս-վրացական ընդհարումներու պատճառով Հայաստանի մէջ կը սպառուէին քարիւղի պաշարները: Արցախի ուժանիւթի հնարաւորութիւններուն մէջ մենք դիտարկած ենք ջրային ուժանիւթը, քանի որ արեւային, հողմային ուժանիւթը եւ պիօզանգուածը, ըստ փորձագէտներու եւ առկայ պայմաններու, մեծ հեռանկարներ չեն խոստացած: Կան նաեւ ուժանիւթի այլ աղբիւրներ, որոնք այսօր կարեւոր չենք համարեր` հաշուի առնելով ներդրումային ծախսերը»,- ըսած է Յարութիւնեան:

Այնուհետեւ, անդրադառնալով Արցախի ոժանիւթի անկախութեան պատմութեան, ան մասնաւորապէս նշած է, որ 2000-2007 թուականներուն Արցախի մէջ կ՛արտադրուէր ընդամէնը 90 միլիոն քիլօուաթթ/ժամ ելեկտրականութիւն, իսկ սպառումը կը կազմէր աւելի քան 200 միլիոն քիլօուաթթ/ժամ: Առաջին փոքր ջրաելեկտրակայանը (ՀԵԿ) շինարարութեան զուգընթաց, որ սկսանք 2008-էն, Արցախի մէջ սկսած են աւելնալ արտադրուող հոսանքի ծաւալները, եւ 2018-ին արտադրած ելեկտրականութեան ծաւալները կազմած են 388 միլիոն քիլօուաթթ /ժամ, արդէն իսկ սպառումը` 385 միլոն քիլօուաթթ /ժ: 2019-ին կը նախատեսուի 522 միլիոն քիլօուաթթ /ժամ արտադրութիւն, սպառումը` 385 միլիոն քիլօուաթթ /ժ, իսկ 2023-ին կը նխատեսուի 1 միլիառ քիլօուաթթ /ժամ էլեկտրականութեան արտադրութիւն, սպառումը մօտ 500 միլիոն քիլօուաթթ /ժամ:

Հանդիպման Արայիկ Յարութիւնեան պատասխանած է նաեւ ներկաներու կողմէ տրուած հարցումներուն:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...