News

31
Aug

«Artsakh Arts and Cultural Foundation»-ի Համագործակցութիւնը Պիտի Շարունակուի Ի Նպաստ Արցախի

71740

ԱՄՆ-ի մէջ գործող «Artsakh Arts and Cultural Foundation»-ը պիտի շարունակէ իր նպաստը բերել Արցախին: Այս մասին, ըստ artsakhpress.am-ի, յայտնած է «Artsakh Arts and Cultural Foundation»-ի հիմնադիր Կարօ Մատէնեան:

Անոր խօսքով` հիմնադրամը յառաջիկային կը նախատեսէ Արցախի մասին կարճ տեսանիւթեր պատրաստել, որոնք այցեքարտ պիտի ըլլան զբօսաշրջիկներու համար: Իսկ Սեպտեմբերի վերջը հիմնադրամը պիտի սկսի նոր ծրագիր, որուն միջոցով կը նախատեսուի քնապարկեր ուղարկել պաշտպանութեան բանակին համար:

«Բացի այսօրինակ բարեգործական ծրագիրներէն, մենք լաւ համագործակցութիւն ունինք նաեւ արցախցի բեմադրիչ Ջիւան Աւետիսեանի հետ: Անոր հետ ծանօթացած ենք Երեւանի մէջ` «Թեւանիկ» ֆիլմի անդրանիկ ցուցադրութեան ժամանակ: Յետոյ որոշեցինք օգտակար ըլլալ «Վերջին բնակիչը» ֆիլմին: Մեր համագործակցութիւնը պիտի շարունակուի նաեւ անոր նոր ֆիլմի` «Դրախտի դարպասը» նկարահանելու համար»,- նշած է Կարօ Մատէնեան եւ աւելցուցած, որ Ջիւանը մեծ գործ կ՝ընէ Արցախը շարժանկարի միջոցով ներկայացնելով աշխարհին: Խօսելով Հիմնադրամին հետ համագործակցութեան մասին` Ջիւան Աւետիսեան նշած է, որ բարձր կը գնահատէ ձեւաւորուած յարաբերութիւնները:

21244425_1354257481338105_1916543037_n

«Անցեալ տարուան Ապրիլին ԱՄՆ-ի` «Ալեքս» շարժանկար-թատրոնին մէջ, «Artsakh Arts and Cultural Foundation»-ի շնորհիւ կազմակերպուած էր «Վերջին բնակիչը» ֆիլմին ցուցադրութիւնը, որուն անդրադարձած էին «Ոսկէ Կլոպուս»-ի պաշտօնական կայքը եւ ամերիկեան յայտնի «Los Angeles Times» օրաթերթը»,- ըսած է Ջ. Աւետիսեան եւ նշած, թէ Սեպտեմբեր 15-էն «Վերջին բնակիչը» պիտի ցուցադրուի ԱՄՆ շարք մը քաղաքներու մէջ:

Ջ. Աւետիսեան նաեւ նշած է, որ «Վերջին բնակիչը» պիտի ցուցադրուի նաեւ Սեպտեմբեր 4-ին Վենետիկի փառատօնի Venice production Bridge-ի ծիրէն ներս: Նշենք, որ Ջիւան Աւետիսեանի «Վերջին բնակիչը» ֆիլմը ցուցադրուած է Շանհայի 20-րդ միջազգային փառատօնին, «Ոսկէ Կլոպուս» ամենամեայ մրցանակաբաշխութեան ընթածքին, Լիբանանի, ԱՄՆ-ի, Ռուսիոյ, Իրանի եւ այլ երկիրներու մէջ:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...